‘குணா’ படத்தை இயக்கியது சந்தான பாரதியே இல்லையா? படத்தின் முக்கிய பிரபலம் கொடுத்த அதிர்ச்சி தகவல்!

மலையாள படம் மஞ்சம்மாள் பாய்ஸ் ரிலீசுக்கு பிறகு, தமிழில் கமல் நடித்து வெளியான குணா படம் தான் ஆல் ஏரியாலையும் ட்ரெண்ட். இந்த படம் குறித்து அதன் இயக்குனர் சந்தான பாரதி பல பேட்டிகளில் பேசிவரும் நிலையில், குணா படத்தின் இயக்குனர் சந்தான பாரதியே இல்லை என அப்படத்தின் ஒளிப்பதிவாளர் பேசியிருப்பது அனைவரையும் அதிர்ச்சியில் தள்ளியுள்ளது.

கடந்த 1991 ஆம் ஆண்டு கமல், ரோஷினி, ஜனகராஜ், ரேகா நடிப்பில், சந்தான பாரதி இயக்கத்தில் ரிலீசான படம் ‘குணா’. ரிலீசான சமயத்தில் பெரியளவில் ரசிகர்களை கவராத ‘குணா’ படம் தற்போது ரசிகர்களால் கொண்டாடப்பட்டது. இந்நிலையில் மலையாளத்தில் ஒரு நேர்காணலில் ‘குணா’ பட ஒளிப்பதிவாளர் வேணு, இயக்குனர் சந்தான பாரதி குறித்து பேசியுள்ளது இணையத்தில் வைரலாகி வருகிறது.

அதில், குணா குகை ஆபத்துன்னு தெரிய சந்தான பாரதி அந்த ஸ்பாட்டுக்கு முதல் வரணுமே எனவும் கமலோட தலைமையில் தான் குணா குகையில் படப்பிடிப்பு நடந்தது எனவும் சந்தான பாரதி எப்போதாவது மட்டுமே படப்பிடிப்பு தளத்துக்கு வருவார் எனவும் தெரிவித்துள்ளார். குறைவான ஆட்களை வைத்து மட்டுமே படப்பிடிப்பை நடத்தியதாகவும் இதனால் தான் சந்தான பாரதிக்கு குணா குகையோட ஆபத்து தெரியவில்லை என அவர் பேசியுள்ளார்.

இந்த பேட்டி தற்போது வைரல் ஆகி வரும் நிலையில், ‘குணா’ படத்தை கமல் தான் இயக்கியிருப்பார் என்கிற சந்தேகம் தீர்ந்ததாதாக உலகநாயகன் ரசிகர்கள் சந்தோசம் தெரிவித்து வருகின்றனர்.