படத்தோட கதை என்னவோ.. அதை கமுக்கமா மறைச்சிட்டாங்க.. பிரதர் ட்ரைலரில் இதை கவனிச்சீங்களா?.

சமீபகாலங்களாக தொடர்ந்து ஜெயம் ரவியின் திரைப்படங்கள் தோல்வியை கொடுத்து வருவதை பார்க்க முடியும். தொடர்ந்து அவர் நடித்த இறைவன், அகிலன், சைரன் மாதிரியான சில படங்கள் தோல்வியை கண்டன. இந்த நிலையில் தற்சமயம் தமிழ் சினிமாவில் அவரது மார்க்கெட்டும் வெகுவாக குறைந்துள்ளது.

எனவே தற்சமயம் மீண்டும் இழந்த மார்க்கெட்டை பெற ஜெயம் ரவி கதைகளை தேர்ந்தெடுப்பதில் அதிக கவனம் செலுத்தி வருகிறார். பொதுவாகவே ஃபேமிலி செண்டிமெண்ட் திரைப்படங்கள் அவருக்கு நல்ல வெற்றியை பெற்று கொடுத்துவிடும்.

ட்ரைலர் கதை:

அந்த வகையில் ஃபேமிலி செண்டிமெண்ட் திரைப்படமாக அவர் நடித்திருக்கும் திரைப்படம் ப்ரதர். இந்த படம் குறித்து ரசிகர்கள் மத்தியில் வரவேற்பு இருந்து வருகிறது. இந்த படத்தை காமெடி திரைப்படங்களை இயக்குனர் இயக்குனர் ராஜேஷ் இயக்கியுள்ளார்.

நடிகை ப்ரியங்கா மோகன் கதாநாயகியாக நடித்துள்ளார். இந்த நிலையில் இந்த படத்தின் ட்ரைலர் சமீபத்தில் வெளியானது. படத்தின் கதைக்கரு என்னவென்றே தெரியாத அளவில் படத்தின் ட்ரைலர் அமைந்திருந்தது.

ஆனால் உண்மையில் அக்கா மற்றும் தம்பிக்கு இடையே உள்ள பாசத்தை கூறும் படம்தான் ப்ரதர் என கூறப்படுகிறது. ஆனாலும் அது தெரியாத வகையில் ட்ரைலரில் ஒரு ஓரமாக அந்த விஷயத்தை வைத்துள்ளனர்.