மீண்டும் கமலுடன் இணையும் விஜய் சேதுபதி! – கூட்டணியால் வாய்ப்பிழந்த இயக்குனர்.

தமிழில் தற்சமயம் ட்ரெண்டிங்கில் இருக்கும் அனைத்து இயக்குனர்களிடமும் கமிட் ஆகி வருகிறார் கமல். திடீரென சினிமா உலகில் தடாலடியாக இறங்கிவிட்டாரோ என தோன்றும் அளவிற்கு தயாராகி வருகிறார் கமல்.

அரசியலுக்கு சென்ற காரணத்தால் கமல் வெகுகாலமாக தமிழ் சினிமா பக்கம் வராமல் இருந்தார். ஆனால் விக்ரம் திரைப்படம் அந்த நிலையை மாற்றி போட்டது. விக்ரம் படம் கமலுக்கு நல்ல ஹிட் கொடுத்தது. அதையடுத்து திரும்பவும் தமிழில் வரிசையாக படம் நடிகக் உள்ளார் கமல்.

ஏற்கனவே வெற்றிமாறன், பா.ரஞ்சித், மணிரத்னம் என பல இயக்குனர்களிடம் பேசி வைத்திருந்தார் கமல். அந்த வகையில் அடுத்து மணிரத்னத்தோடு இவர் படம் இயக்க போவதாக தகவல்கள் இருந்தன. இந்நிலையில் அடுத்து இவர் இயக்குனர் ஹெச். வினோத் படத்தில் நடிக்க உள்ளதாக தகவல்கள் வெளியாகியுள்ளன.

இந்த படத்தில் விஜய் சேதுபதியும் நடிக்க உள்ளாராம். ஹெச். வினோத் தற்சமயம் துணிவு படத்தை இயக்கி வருகிறார். துணிவு படத்திற்கு பிறகு இவர் விஜய் சேதுபதியை நாயகனாக வைத்து ஒரு படம் இயக்க இருந்தார். ஆனால் துணிவு படத்தின் வேலைகள் முடியாத காரணத்தால், விஜய் சேதுபதி அந்த கால்ஷீட்டை இயக்குனர் ஆறுமுக குமாருக்கு அளித்திருந்தார்.

இப்போது ஹெச்.வினோத் படத்தில் கமல் நடிப்பதால் அதில் நடிப்பதற்காக ஆறுமுக குமாருக்கு கொடுத்த கால்ஷீட்டை தள்ளிப்போட்டார் விஜய் சேதுபதி என கூறப்படுகிறது.