அதுக்குள்ள முடிச்சிட்டேன் ஜி.. யாருய்யா இவரு.. லோகேஷ் கனகராஜ் செய்த சம்பவம்.. மற்ற இயக்குனர் கத்துக்கணும்..!

தமிழில் வளர்ந்து வரும் இயக்குனர்களில் மிக முக்கியமானவராக இயக்குனர் லோகேஷ் கனகராஜ் இருந்து வருகிறார். தொடர்ந்து லோகேஷ் கனகராஜ் இயக்கும் திரைப்படங்களுக்கு என்று தனிப்பட்ட ஒரு மார்க்கெட் தமிழ் சினிமாவில் இருந்து வருகிறது.

அதேபோல தமிழ் சினிமாவில் தோல்வி முகம் காணாத ஒரு இயக்குனராக இருந்து வருகிறார் லோகேஷ் கனகராஜ். அவரது திரைப்படத்தின் வெற்றிக்கு பிறகு லோகேஷ் கனகராஜ் அடுத்து இயக்க இருக்கும் திரைப்படம் கூலி.

இந்த படத்தில் ரஜினிகாந்த் கதாநாயகனாக நடித்து வருகிறார். ஆரம்பத்தில் இந்த திரைப்படத்தின் திரைக்கதைக்காகவே மூன்றிலிருந்து நான்கு மாதங்களை எடுத்துக்கொண்டார் லோகேஷ் கனகராஜ். லியோ திரைப்படம் முடிந்து கூலி திரைப்படம் துவங்குவது வரை உள்ள காலகட்டங்களில் தொடர்ந்து திரை கதையை எழுதி வந்தார் லோகேஷ் கனகராஜ்.

லோகேஷ் கொடுத்த அப்டேட்:

இந்த நிலையில் சமீபத்தில்தான் இரண்டு மாதங்களுக்கு முன்பு கூலி திரைப்படத்தின் படப்பிடிப்பு துவங்கியது. இந்த நிலையில் ரஜினிக்கு சில அறுவை சிகிச்சைகள் செய்ய வேண்டி இருந்ததால் அவர் தற்சமயம் கூலி திரைப்படத்திலிருந்து தற்காலிகமாக விலகி இருந்து வருகிறார்.

மீண்டும் சில மாதங்களுக்கு பிறகு அதன் படப்பிடிப்பு துவங்கும் என்று கூறப்படுகிறது. இந்த நிலையில் சமீபத்தில் ஒரு நேர்காணலில் பேசிய லோகேஷ் கனகராஜ் ஏற்கனவே கூலி திரைப்படத்தின் 50% படப்பிடிப்பு வேலைகள் முடிந்து விட்டன என்று கூறி இருக்கிறார்.

இது பலருக்குமே ஆச்சரியத்தை ஏற்படுத்தி இருக்கிறது. ஏனெனில் ஜெயிலர்  பொருத்தவரையிலும் சரி தற்சமயம் வெளிவர இருக்கும் வேட்டையன் திரைப்படத்தை பொருத்தவரையிலும் சரி, படப்பிடிப்பு கிட்டத்தட்ட ஒரு வருடத்திற்கும் மேலாக நடந்தது.

ஆனால் இந்த படத்தில் கடந்த இரண்டிலிருந்து மூன்று மாதங்களுக்குள்ளாகவே 50 சதவீத படப்பிடிப்பை முடித்து விட்டார் லோகேஷ் கனகராஜ். எப்படியும் இந்த வருடம் முடிவதற்குள் கூலி திரைப்படத்தை முடித்து அடுத்த ஏப்ரலில் படத்தை வெளியிட்டு விடுவார் என்று கூறப்படுகிறது.