அந்த படத்துக்கு ரஜினி தேவையில்லாத ஆள்!.. அதுக்கு பதிலா விஜயகாந்தை நடிக்க வைங்க!. மாஸ் ஹிட் கொடுத்த படம்!.

Vijayakanth Rajinikanth : சினிமாவில் திரைப்படங்கள் கைமாறுவது என்பது சகஜமாக நடக்கக்கூடிய ஒரு விஷயம்தான். ஆனால் அப்படி கை மாறுவதன் மூலமே சில படங்கள் சிறப்பான ஒரு வெற்றியை கொடுத்து விடுகின்றன. ஏ.ஆர் முருகதாஸ் ஒரு சமயம் புரட்சிகரமான திரைப்படம் ஒன்றை எடுக்க நினைத்தார்.

அப்படியாக அவர் கதை எழுதி முடிக்கும் போது அந்த திரைப்படத்தில் ரஜினிகாந்தை நடிக்க வைக்கலாம் என முடிவு செய்யப்பட்டது. ஆனால் படத்தின் கதைப்படி கதாநாயகனுக்கு எந்த ஒரு கமர்சியலான காட்சிகளும் கிடையாது எனக் கூறலாம்.

மிகவும் சாந்தமான ஒரு நபராகதான் அவர் இருப்பார். ஆனால் அவர் மனதிற்குள் ஒரு கோபம் இருந்து கொண்டே இருக்கும் எப்போதாவது ஒருமுறைதான் படத்தில் அந்த கோபமே அவரது முகத்தில் வெளிப்படும் மற்ற நேரங்களில் எல்லாம் மிகவும் சாந்தமாக இருக்கக்கூடிய ஆசிரியர் பணியில் இருக்கக்கூடிய ஒரு மனிதர்.

அதுதான் ரமணா திரைப்படத்தின் கதை. ரமணா திரைப்படத்தின் கதையை இப்படி வடிவமைத்த பொழுது அதில் கதாநாயகன் போடும் உடை கூட மாடலாக இருக்கக் கூடாது மிகவும் டீசண்டாக இருக்க வேண்டும் என்று முடிவு செய்யப்பட்டது. அப்படி இருக்கும் பொழுது இந்த கதாபாத்திரம் கண்டிப்பாக ரஜினிகாந்திற்கு சரியாக இருக்காது ரஜினி என்றாலே ஸ்டைல் என்னும் பொழுது அவருக்கு ஸ்டைலான உடைகளை கொடுக்க வேண்டி இருக்கும்.

எனவே இந்த படத்திற்கு அவர் தேவையில்லாத ஒரு நடிகர் என்று கூறிய படத்தின் ஒளிப்பதிவாளர் அதற்கு பதிலாக விஜயகாந்தை நடிக்க வைத்தால் சிறப்பாக இருக்கும் என்ற பொழுது இயக்குனர் முருகதாஸிற்கு சற்று யோசனையாக தான் இருந்தது. ஆனால் விஜயகாந்தின் நடிக்க வைத்த பிறகு அந்த சாந்தமான கதாபாத்திரத்திற்கும் சரி கோபமான கதாபாத்திரத்திற்கும் சரி விஜயகாந்த் சரியாக தனது நடிப்பை வெளிப்படுத்தி இருந்தார்.