சுப்ரமணியப்புரம் 2 வருதா!.. சசிக்குமாரை கிளப்பி விட்ட ரசிகர்கள்!..

தமிழ் சினிமாவில் இயக்குனர் பாலாவிடம் உதவி இயக்குனராக பணிப்புரிந்து அதன் பிறகு இயக்குனரானவர் சசிக்குமார். இயக்குனர் ஆனதை தொடர்ந்து அவரே சில படங்களில் நடித்து கதாநாயகனாகவும் ஆனார்.

சசிக்குமார் இயக்கிய திரைப்படங்களில் சுப்புரமணியப்புரம் திரைப்படம் முக்கியமான திரைப்படமாகும். இந்த திரைப்படத்திற்கு பிறகு இயக்குனர் சசிக்குமார் மற்றும் நடிகர் ஜெய் இருவருக்குமே அதிகமான வாய்ப்புகள் வர துவங்கின. அதனை தொடர்ந்து பல படங்களில் சசிக்குமார் நடித்தார்.

இந்த நிலையில் தாரை தப்பட்ட திரைப்படத்தின் போது அதிக நஷ்டத்தை சந்தித்த சசிக்குமார் பிறகு சினிமாவை விட்டே சில காலங்கள் விலகி இருந்தார். தற்சமயம் மீண்டும் சினிமாவிற்கு வந்துள்ளார். இந்த நிலையில் சுப்புரமணியப்புரம் திரைப்படம் வெளியாகி 15 வருடங்கள் ஆன நிலையில் அதை மறுபடியும் ரிலீஸ் செய்தார் சசிக்குமார்.

எதிர்பார்த்ததை விடவும் அந்த படம் நல்ல வரவேற்பை பெற்று தந்தது. இதனையடுத்து சசிக்குமாருக்கு ரசிகர்கள் வாழ்த்துக்களை தெரிவித்து வருகின்றனர். இதற்கு நடுவே டிஸ்ட்ரிபூட்டர்கள் சசிக்குமாரிடம் பேசும்போது சுப்புரமணியப்புரத்தில் வரும் நடிகர்களை வைத்து அதே போல இன்னொரு படத்தை எடுத்தால் என்ன என கேட்டுள்ளனர்.

இயக்குனர் சசிக்குமாருக்கும் இது ஒரு நல்ல ஐடியாவாக தோன்றவே தற்சமயம் அதுக்குறித்து யோசித்து வருகிறாராம்.