ஏற்கனவே பல கோடிக்கு வித்திடுச்சு! – சிவகார்த்திகேயனை வேற லெவலுக்கு கொண்டு சென்ற மாவீரன்!

சிவகார்த்திகேயன் நடித்த டான் திரைப்படம் 100 கோடிக்கு ஓடியதை அடுத்து தனது சம்பளத்தை அதிகரிக்க வேண்டும் என்கிற திட்டத்தில் இருந்தார் சிவகார்த்திகேயன். ஏற்கனவே 30 கோடி சம்பளம் வாங்கி வருகிறார் சிவகார்த்திகேயன்.

ஆனால் அவரது மார்க்கெட் தமிழ் சினிமாவில் அதிகரித்துக்கொண்டே வருகிறது. எனவே படங்களுக்கு அவர் வாங்கும் சம்பளத்தையும் கூட அதிகரிக்கலாம் என திட்டமிட்டு வந்தார். ஆனால் டான் திரைப்படத்திற்கு பிறகு வந்த பிரின்ஸ் திரைப்படம் எதிர்பார்த்த அளவிலான வரவேற்பை பெறவில்லை.

அந்த சமயத்தில் வெளியான சர்தார் திரைப்படம் அதிக வரவேற்பை பெற்றதும் இதற்கு ஒரு காரணம். அதற்கு அடுத்ததாக தற்சமயம் சிவகார்த்திகேயன் நடித்து வரும் திரைப்படம் மாவீரன். இந்த திரைப்படத்திற்கு ரசிகர்கள் மத்தியில் வரவேற்பு நிலவி வருகிறது.

இந்த நிலையில் திரையில் வருவதற்கு முன்பே கிட்டத்தட்ட 83 கோடிக்கு விற்பனையாகி சாதனை படைத்துள்ளது மாவீரன் திரைப்படம். படத்தின் ஆடியோ ரைட்ஸ், சேட்டிலைட் ரைட்ஸ், ஓ.டி.டி ரைட்ஸ் மற்றும் ஹிந்தி டப்பிங் ரைட்ஸ் எல்லாம் சேர்த்து கிட்டத்தட்ட 83 கோடி ரூபாய் கிடைத்துள்ளது.

எனவே இந்த படம் சிவகார்த்திகேயன் அவரது சம்பளத்தை அதிகரித்துக்கொள்வதற்கான ஒரு வாய்ப்பாக அமையும் என எதிர்பார்க்கப்படுகிறது.