நடிகர் எஸ் ஜே சூர்யா இயக்குனராக ஆரம்பத்தில் தமிழ் சினிமாவில் அறிமுகமானார். ஆனால் இப்போதைய தலைமுறையினருக்கு அவரை ஒரு நடிகராக தான் தெரியும் தொடர்ந்து தமிழ் சினிமாவில் வில்லன் கதாபாத்திரங்களில் வாய்ப்புகள் பெற்று நடித்thu வருகிறார் எஸ்.ஜே சூர்யா.

எஸ் ஜே சூர்யாவின் தனிப்பட்ட நடிப்புக்கு தனி மதிப்பு இருக்கும் காரணத்தினால் தொடர்ந்து அவருக்கு வாய்ப்புகளும் வந்த வண்ணம் இருக்கின்றது. தற்சமயம் தமிழ் மட்டுமல்லாமல் தெலுங்கு மொழியிலும் அவருக்கு வரவேற்பு கிடைத்து வருகின்றன.

தற்சமயம் பிரதீப் ரங்கநாதன் நடித்து விக்னேஷ் சிவன் இயக்கி வரும் எல்.ஐ.கே திரைப்படத்திலும் எஸ்.ஜே சூர்யா தான் வில்லனாக நடித்திருக்கிறார். இந்த நிலையில் இசையமைப்பாளர் ஏ.ஆர் ரகுமான் குறித்து ஒரு பேட்டியில் சில தகவல்களை பகிர்ந்து இருந்தார் எஸ் ஜே சூர்யா.

அதில் எஸ் ஜே சூர்யா கூறும் பொழுது ஏ.ஆர் ரகுமானை பொறுத்தவரை அவர் இசையமைக்கும் படங்கள் தோல்வியடைந்தாலும் கூட அவரது இசை மட்டும் தோல்வி அடையாது. உதாரணத்திற்கு சங்கமம் திரைப்படத்தை கூறலாம்.

சங்கமம் திரைப்படத்தில் வந்த அனைத்து பாடல்களும் மிகப்பெரிய வெற்றியை கொடுத்தது. ஆனால் அந்த திரைப்படம் திரையரங்கில் தோல்வியை கண்டது ஒரு திரைப்படம் எப்படி எடுக்கப்படுகிறது என்பதை பொறுத்தே அதன் வெற்றி தோல்வி அமைகிறது.

ஒரு இசையமைப்பாளரால் தீர்மானிக்க முடியாது ஆனால் அவர்களால் எதை சிறப்பாக கொடுக்க முடியுமோ அதை கொடுத்து விடுவார்கள் அந்த விஷயத்தில் ஏ ஆர் ரகுமானை தோற்கடிக்கவே முடியாது என்று கூறி இருக்கிறார் எஸ் ஜே சூர்யா.

பெரும்பாலும் பேட்டிகளில் கலந்து கொள்ளும் பிரபலங்கள் பேசும் விஷயங்களில் மிகவும் எச்சரிக்கையாக இருக்க வேண்டும். அவர்கள் பேசும் சின்ன சின்ன விஷயங்கள் கூட சர்ச்சையை ஏற்படுத்துவதற்கான வாய்ப்புகள் உள்ளன.

நிறைய பிரபலங்கள் இப்படி பேட்டிகளில் பேசி நிறைய சர்ச்சைக்கு உள்ளாகி இருக்கின்றனர். உதாரணத்திற்கு நடிகர் அஜித்தை கூறலாம். நடிகர் அஜித் ஆரம்பத்தில் சின்னத்திரை நிகழ்ச்சிகளில் பேட்டிகளில் எல்லாம் பங்கு பெற்றுக் கொண்டுதான் இருந்தார்.

ஆனால் அந்த மாதிரி பேட்டிகளில் அவர் பேசும் விஷயங்களை தவறாக மக்கள் மத்தியில் காட்டி வந்தனர் டிவி சேனல் காரர்கள். இதனால் கோபமடைந்த அஜித் அதற்கு பிறகு யாருக்குமே பேட்டி கொடுப்பதில்லை என்கிற முடிவுக்கு வந்தார்.

பேட்டியில் நடந்த சம்பவம்:

இப்போது வரை பத்திரிகையாளர் யாருக்குமே அவர் பேட்டி கொடுப்பதை பார்க்க முடியாது. இதே மாதிரி எஸ்.ஜே சூர்யா ஒரு பிரச்சனையில் சிக்கினார் எஸ்.ஜே சூர்யா சமீபத்தில் நிறைய திரைப்படங்களில் தொடர்ந்து முக்கிய கதாபாத்திரங்களில் நடித்து வருகிறார்.

அப்படியாக ஒரு திரைப்படத்தில் நடித்ததற்காக அவர் பேட்டிக்கு சென்றிருந்தார். அங்கு அவரை ஏதாவது ஒரு பாட்டு பாடும்படி கேட்டிருந்தார் அங்கிருந்த தொகுப்பாளர்.

உடனே எஸ் ஜே சூர்யா அன்பே ஆருயிரே திரைப்படத்தில் வரும் பொதிகை மலையில்  என துவங்கும் பாடல் ஒன்றை பாடினார். பிறகு அந்த வீடியோ அதிக வைரலானது தொடர்ந்து அதை வைத்து எஸ் ஜே சூர்யாவை கேலி செய்து வந்தனர் நெட்டிசன்கள்.

இந்த நிலையில் அதே பெண், நடிகர் புகழையும் சமீபத்தில் பேட்டி எடுத்தார் அப்பொழுது புகழை ஒரு பாட்டு பாடும் படி அவர் கேட்டுக் கொண்டார் உடனே பயந்து போன புகழ் ஏற்கனவே எஸ் ஜே சூர்யாவை வைத்து நீங்கள் செய்தது போதும் என்னை விட்டுவிடுங்கள் என்று கூறியிருந்தார்.