அவமரியாதையா நடத்துனதுதான் காரணமா?.. கலைஞர் 100 விழாவில் கலந்துக்கொள்ளாத அஜித், விஜய்…

Ajith and Vijay: தமிழில் உள்ள முன்னணி நடிகர்களில் கமல்ஹாசன் ரஜினிகாந்திற்கு பிறகு முக்கியமானவர்களாக பார்க்கப்படுபவர்கள் நடிகர் அஜித்தும், விஜய்யும்தான். எந்த ஒரு விழாவாக இருந்தாலும் இவர்கள் இருவரும் கண்டிப்பாக வரவேண்டும் என ரசிகர்கள் நினைப்பதுண்டு.

நடிகர் அஜித்தை பொறுத்தவரை அவர் எந்த விழாவிற்கும் வரமாட்டார் என்பது பலருக்கும் தெரிந்த விஷயமே, ஆனால் விஜய் முடிந்தவரை பல விழாக்களில் கலந்துக்கொள்ள கூடியவர். ஆனால் தற்சமயம் நடந்த கலைஞர் 100 விழாவில் விஜய்யும் கூட கலந்துக்கொள்ளவில்லை.

பொதுவாகவே கலைஞர் மு கருணாநிதிக்காக நடத்தப்படும் விழாக்கள் என்றாலே அவை மிகவும் பெரிதாகவே நடத்தப்படும். பெரும் கூட்டங்கள் அலை மோதும். இந்த நிலையில் கலைஞர் 100 விழாவில் மொத்தமே 500 நபர்கள்தான் இருந்தனர் என கூறப்படுகிறது.

ரஜினிகாந்த்தும் கமல்ஹாசனும் கூட இவ்வளவு குறைவான கூட்டத்தினர் முன்பு இதற்கு முன்பு பேசியதில்லை என கூறப்படுகிறது. விஜய்யும் அஜித்தும் வராததற்கு அவர்களை அவமானப்படுத்தியதே காரணம் என கூறப்படுகிறது.

கலைஞர் 100 விழாவிற்காக அச்சடிக்கப்பட்ட அழைப்பிதழ்களில் நடிப்பு துறையில் இருந்து ரஜினிகாந்த் மற்றும் விஜய் பெயரை மட்டுமே குறிப்பிட்டுள்ளதாக கூறப்படுகிறது. தங்களுடைய பெயரை குறிப்பிடாதப்போது ஏன் நாம் செல்ல வேண்டும் என யோசித்த விஜய்யும் அஜித்தும் இந்த விழாவிற்கு வரவில்லை என கூறப்படுகிறது.

இத்தனைக்கும் விழா நடந்தப்போது விஜய் அஜித் இருவருமே சென்னையில்தான் இருந்துள்ளனர்.