இந்த வருடம் ப்ளாப் வாங்கிய 11 தமிழ் திரைப்படங்கள்

மற்ற சினிமா ரசிகர்களை விடவும் தமிழ் சினிமா ரசிகர்கள் சில விஷயங்களில் மாறுப்பட்டு காணப்படுகின்றனர். ஒரு திரைப்படத்தில் பெரும் கதாநாயகர்கள் நடித்திருந்தால் போதும், உடனே ஹிட் அடித்துவிடும். இது மற்ற மொழி சினிமாக்களில் உள்ள சங்கதி.

ஆனால் தமிழ் சினிமாவை பொறுத்தவரை பெரிய கதாநாயகர்கள் நடித்திருந்தாலும் கூட கதை சரியாக இல்லை என்றால் அந்த படம் ஓடாது. உதாரணத்திற்கு சுறா, கோச்சடையான் போன்ற திரைப்படங்களை கூறலாம்.

அதே போல இந்த வருடம் வெளியாகி பெரும் தோல்வியுற்ற பத்து படங்களை இப்போது பார்க்கலாம்.

01.கோப்ரா

தமிழில் 2020 ஆம் ஆண்டு முதலே பல்வேறு நாடுகளுக்கு சென்று பெரும் பொருட் செலவில் தயாரான திரைப்படம் கோப்ரா. இந்த படத்தில் நடிகர் விக்ரம் இரட்டை வேடத்தில் நடித்திருந்தார். இயக்குனர் அஜய் ஞானமுத்து இந்த படத்தை இயக்கியிருந்தார்.

கே.கி.எஃப் கதாநாயகி ஸ்ரீநிதி ஷெட்டி இதில் கதாநாயகியாக நடித்திருந்தார். ஆனால் இந்த படம் எதிர்பார்த்த வெற்றியை தரவில்லை. வெகுவாக விமர்சனத்துக்கு உள்ளானது.

02.கேப்டன்

நடிகர் ஆர்யா நடிப்பில் தமிழில் வெளியான சயின்ஸ்பிக்ஸன் த்ரில்லர் திரைப்படம் கேப்டன். இந்த படத்தை இயக்குனர் சக்தி செளந்தர் இயக்கியிருந்தார். இந்த படத்தை ஆர்யாவே தயாரித்தார்.

பிரிடேட்டர் என்கிற ஹாலிவுட் படத்தின் கதையை கொண்டு இந்த படம் எடுக்கப்பட்டது. ஆனால் படம் வெற்றியடையவில்லை.

03.என்ன சொல்ல போகிறாய்

இந்த வருடம் வந்த படங்களில் பெயர் கூட தெரியாத அளவிற்கு சில படங்கள் மக்கள் மத்தியில் தெரியாமல் போனது. அதில் என்ன சொல்ல போகிறாய் திரைப்படமும் ஒன்று.

இந்த படத்தில் குக் வித் கோமாளி அஸ்வின் கதாநாயகனாக நடித்திருந்தார். தேஜூ அஸ்வினி கதாநாயகியாக நடித்திருந்தார். காதல் கதையை கருவாக கொண்ட இந்த படம் ஒரு வாரம் கூட திரையரங்கில் ஓடவில்லை என கூறப்படுகிறது.

04.ப்ரின்ஸ்

இந்த வருடம் பெரும் நடிகர்கள் நடித்து ப்ளாப் அடித்த படங்களில் முக்கியமான திரைப்படம் ப்ரின்ஸ். சிவகார்த்திகேயன் நடித்த இந்த படத்தை தெலுங்கு இயக்குனர் அனுதீப் இயக்கியிருந்தார்.

ஆனால் அந்த சமயத்தில் வந்த சர்தார் படத்துக்கே மக்கள் மத்தியில் வரவேற்பு இருந்தது. ப்ரின்ஸ் திரைப்படத்தில் கதையே இல்லை என கூறப்பட்டது. பலருக்கும் அதிருப்தியை ஏற்படுத்திய படமாக ப்ரின்ஸ் உள்ளது.

05.வீரமே வாகை சூடும்

விஷால் நடிப்பில் வெளியாகி குறைந்த வசூலை செய்த திரைப்படம் வீரமே வாகை சூடும். இந்த படத்தை இயக்குனர் பா.சரவணன் இயக்கியிருந்தார். த்ரில்லர் படமாக எடுக்கப்பட்ட இந்த திரைப்படம் வெகுவாக வரவேற்பை பெறவில்லை.

06.காஃபி வித் காதல்

பெரும் நட்சத்திர பட்டாளத்தை வைத்து இயக்குனர் சுந்தர் சியால் எடுக்கப்பட்ட திரைப்படம் காஃபி வித் காதல். ஆனால் அந்த படம் வெளியான அதே சமயம் லவ் டுடே திரைப்படம் வெளியாகி மக்கள் மத்தியில் பிரபலமானது.

காஃபி வித் காதல் திரைப்படத்தில் ஜெய்,ஜீவா,திவ்ய தர்ஷினி,ஸ்ரீகாந்த் இன்னும் பலர் நடித்திருந்தனர். ஆனால் படம் தோல்வியை கண்டது.

07.ஐங்கரன்

நடிகர் ஜி.வி பிரகாஷ் நடித்து இந்த வருடம் வெளியான திரைப்படம் ஐங்கரன். இந்த படத்தை இயக்குனர் ரவி அரசு இயக்கியிருந்தார். ஜி.வி பிரகாஷ் இதில் விஞ்ஞானி கதாபாத்திரத்தில் நடித்திருந்தார்.

ஆனால் இந்த படம் ரசிகர்கள் மத்தியில் பிரபலமாகவில்லை. இதனால் படம் தோல்வியை கண்டது.

08.இடியட்

நகைச்சுவை நடிகர் மிர்ச்சி சிவா நடிப்பில் வெளியான காமெடி ஹாரர் திரைப்படம் இடியட். இந்த படத்தை தில்லுக்கு துட்டு திரைப்படத்தை இயக்கிய ராம்பாலா இயக்கியிருந்தார்.

ஆனால் தில்லுக்கு துட்டு அளவிற்கு இந்த படத்திற்கு வரவேற்பு கிடைக்கவில்லை. இதனால் படம் படு தோல்வியை கண்டது.

09.கொம்பு வச்ச சிங்கம்டா

நடிகர் சசி நடித்து இந்த வருடம் வெளியான திரைப்படம் கொம்பு வச்ச சிங்கம்டா. வந்த வேகத்திற்கு அனைத்து திரையரங்கை விட்டும் இந்த படத்தை எடுத்துவிட்டனர்.

படத்திற்கு எந்த ஒரு கூட்டமும் வரவில்லை என்பதே முக்கிய காரணமாக கூறப்படுகிறது. இந்த படத்தை இயக்குனர் எஸ்.ஆர் பிரபாகரன் இயக்கியிருந்தார்.

10.மாறன்

தனுஷ் நடிப்பில் வெளியான மாறன் திரைப்படம் எதிர்பாராத விதமாக இந்த வருடம் தோல்வியை கண்டது. இயக்குனர் கார்த்திக் நரேன் இந்த படத்தை இயக்கியிருந்தார்.

படம் மிகவும் போர் அடிக்கும் விதமாக உள்ளது என இந்த படம் குறித்து கூறப்படுகிறது.

11.டி.எஸ்.பி

இந்த வருடம் பெரும் தோல்வி கண்ட ஹீரோக்கள் வரிசையில் விஜய் சேதுபதியும் கூட இருக்கிறார். இயக்குனர் பொன்ராம் இயக்கத்தில் விஜய் சேதுபதி நடித்த திரைப்படம் டி.எஸ்.பி.

உள்ளூர், வெளிநாடு என எங்கேயுமே இந்த படத்திற்கு கூட்டமே வரவில்லை. திரையரங்கில் தோல்வியை கண்டதால் வெகு சீக்கிரமாகவே இந்த படத்தை ஓ.டி.டிக்கு கொடுத்துவிட்டனர்.

Refresh