விஜய் டிவியில் இருந்து விலகிய குக் வித் கோமாளி தயாரிப்பு நிறுவனம்! காரணம் இதுதான்!

விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியை பிரபல தயாரிப்பு நிறுவனமான மீடியா மேசன்ஸ் தயாரித்து வந்தது. இந்தத் தயாரிப்பு நிறுவனம் விஜய் டிவியில் ஒளிபரப்பாகும் சூப்பர் சிங்கர் மிஸ்டர் அண்ட் மிஸஸ் சின்னத்திரை போன்ற பல பிரபலமான நிகழ்ச்சிகளையும் தயாரித்து வந்தது. இந்த நிகழ்ச்சிகளுக்கு ரசிகர்களிடையே பெரும் எதிர்பார்ப்பும் வரவேற்பும் இருந்து வருகிறது.

கிட்டத்தட்ட 25 ஆண்டுகளாக விஜய் டிவியின் ஒரு முக்கிய அங்கமாக மீடியா சயின்ஸ் தயாரிப்பு நிறுவனம் இருந்து வந்த நிலையில், தற்போது குக் வித் கோமாளி நிகழ்ச்சியில் இருந்து விலக உள்ளதாக அறிவித்துள்ளது.
கடந்த மே மாதமே சூப்பர் சிங்கர் நிகழ்ச்சியை விட்டு விலகுவதாக அறிவித்த அதிர்ச்சியில் இருந்து விலகாத விஜய் டிவிக்கு, மேலும் அதிர்ச்சியை கொடுத்துள்ளது மீடியா மேசன்ஸ் நிறுவனம். இது குறித்த அறிவிப்பை அந்நிறுவனத்தின் முக்கிய நபரான ரைவ்பா அவரது இன்ஸ்டாகிராம் பக்கத்தில் தெரிவித்துள்ளார். அதாவது விஜய் டிவியில் இருந்து முழுவதுமாக விலகுவதாக அவர் தெரிவித்துள்ளார்.

கிட்டத்தட்ட 25 ஆண்டுகளுக்கு முன்பே, நாங்கள் தொலைக்காட்சியில் பணியாற்ற தொடங்கியதில் இருந்தே, விஜய் டிவியில் மட்டுமே பணிபுரிந்தோம் என்றும் இது எங்களுக்கு இரண்டாவது வீடு என்றும் தனது instagram பக்கத்தில் தெரிவித்த ரைவ்பா, இங்கு எண்ணற்ற நிகழ்ச்சிகளை தயாரித்ததாகவும் தற்போது ஸ்டார் விஜய் நிறுவனத்தில் இருந்து ஓய்வு எடுக்க வேண்டிய நேரம் வந்துவிட்டதாகவும் தெரிவித்துள்ளார்.

எதிர்பாராத சூழ்நிலைகளால் மிஸ்டர் அண்ட் மிஸஸ் சின்னத்திரை மற்றும் குக் வித் கோமாளி ஆகிய நிகழ்ச்சிகளில் அடுத்தடுத்த சீசன்களை தயாரிக்க முடியாததால் தற்போது கனத்த இதயத்துடன் இங்கிருந்து வெளியேறுகிறோம், எங்கள் பயணத்தின் ஒரு பகுதியாக இருந்த அனைவருக்கும் நன்றி என அவர் தனது instagram பக்கத்தில் தெரிவித்துள்ளார். இது விஜய் டிவிக்கு பெரும் இழப்பாக இருக்கும் என சின்னத்திரை உலகில் பேசப்பட்டு வருகிறது.