அந்த சீட்ட போடாத மாப்ள !.. விஜய்யால் சொதப்பிய விசில் போடு பாடல்!.. அடுத்த சிங்கிளுக்கு தெறி ப்ளான் போட்ட யுவன்..!

தமிழில் ஏ.ஆர் ரகுமானுக்கு போட்டியாக களமிறங்கி இப்போது வரை தனக்கென ஒரு ரசிக்கப்பட்டாளத்தை கொண்டிருப்பவர் இசை அமைப்பாளர் யுவன் சங்கர் ராஜா.

ஏ.ஆர் ரகுமானின் புதுவிதமான இசை தமிழ் சினிமாவிற்குள் அறிமுகமான பொழுது இளையராஜாவின் இசைக்கான மார்க்கெட் என்பது குறைய தொடங்கியது. அப்பொழுது களத்தில் இறங்கினார் யுவன் சங்கர் ராஜா.

ஏ.ஆர் ரகுமானுக்கு இணையாக ஒரு இசையை அவரும் கொடுத்தார் தொடர்ந்து அவரது இசைக்கும் ரசிக்கர்கள் இருந்து வருகின்றனர். ஏ.ஆர் ரகுமானின் ரசிகர்களுக்கும் யுவன் சங்கர் ராஜாவின் ரசிகர்களுக்கும் இடையில் தான் அடிக்கடி பஞ்சாயத்து நடக்கும் என்று கூறலாம்.

யுவனுக்கு வந்த கூட்டம்:

அப்படியெல்லாம் இருந்தும் கூட சின்ன சின்ன திரைப்படங்களுக்கு எல்லாம் சூப்பராக இசையமைத்தார் யுவன் சங்கர் ராஜா. தற்சமயம் கோட் திரைப்படத்தில் அவரது இசை அவ்வளவு திருப்திகரமாக இல்லை என்பது குற்றச்சாட்டாக இருந்தது.

விசில் போடு என்று வெளியான அந்த பாடல் அவ்வளவாக கவனத்தை பெரும் வகையில் இல்லை என்று கூறப்பட்டது. ஆனால் இதற்கு விஜய்தான் காரணம் என்று தற்சமயம் செய்திகள் வெளியாகி உள்ளன. அதாவது கோட் திரைப்படத்திற்காக விசில் போடு பாடலுக்காக மொத்தம் நான்கு இசைகளை இசை அமைத்திருக்கிறார் யுவன் சங்கர் ராஜா.

விஜய் தேர்ந்தெடுத்த பாடல்:

அதில் எந்த பாடலை தேர்வு செய்ய வேண்டும் என்கிற பொறுப்பு விஜய்யிடம்தான் இருந்துள்ளது. அதில் தற்சமயம் வெளியான பாடலை தேர்ந்தெடுத்தது விஜய்தான் அந்த பாடல் இல்லாமல் யுவன் சங்கர் ராஜாவிற்கு வேறு ஒரு பாடல்தான் மிகவும் பிடித்திருந்தது என்றும் கூறப்படுகிறது.

இந்த நிலையில் எப்படியாவது தளபதிக்கு ஒரு வெற்றி பாடலை கொடுத்து விட வேண்டும் என்று சிறப்பான மெலோடி பாடல் ஒன்றை தயாரித்து வருகிறார் யுவன் சங்கர் ராஜா. இந்த பாடலுக்கு ஏ.ஐ முறையில் பவதாரணியை பாட வைத்திருக்கிறார் யுவன் சங்கர் ராஜா.

சாதாரணமாகவே மெலோடியில் சிறப்பான பாடல்களை கொடுக்கக் கூடியவர் யுவன் சங்கர் ராஜா. எனவே இந்த பாடல் கண்டிப்பாக பெரும் வெற்றியை கொடுக்கும் என்று எதிர்பார்க்கப்படுகிறது.