தொடர்ந்து வெற்றி படங்களாக கொடுத்ததன் விளைவாக தற்சமயம் தொடர்ந்து பட வாய்ப்புகளாக பெற்று வருகிறார் இயக்குனர் லோகேஷ் கனகராஜ்.
இவர் உருவாக்கிய லோகேஷ் யுனிவர்சிற்கு ரசிகர்கள் மத்தியில் வரவேற்பு உள்ளது. அதன் மூலமாக படங்களை எல்லாம் ஒன்று சேர்த்து வருகிறார். இந்த நிலையில் இருக்கும் திரைப்படங்கள் போதாது என்று புதிதாக ரஜினி திரைப்படத்திலும் கமிட் ஆகி இருக்கிறார் லோகேஷ் கனகராஜ்.
ரஜினி திரைப்படம் இல்லாமல் கைதி திரைப்படத்தின் இரண்டாம் பாகம் மற்றும் ரோலக்ஸ் என்கிற ஒரு திரைப்படம் இது எல்லாம் இல்லாமல் விக்ரம் திரைப்படத்தின் அடுத்த பாகம் ஆகிய மூன்று திரைப்படங்களை லோகேஷ் கனகராஜ் இயக்கியாக வேண்டிய சூழ்நிலையில் இருந்தார்.
இதற்கு நடுவே தன்னை வைத்து அவர் திரைப்படத்தை இயக்க வேண்டும் என்று ரஜினிகாந்த் கேட்டுக் கொண்டதற்கு இணங்க தற்சமயம் ரஜினி திரைப்படத்திற்கான பட வேலையில் இறங்கி இருக்கிறார் லோகேஷ் கனகராஜ்.
வருகிற ஜூன் மாதம் இந்த திரைப்படத்தின் படப்பிடிப்பு வேலை துவங்கும் என்று கூறப்படுகிறது. ரஜினிகாந்திற்கு அதிக வயதாகி விட்டதால் அவர் மிகவும் பொறுமையாகதான் படங்களில் நடிக்கிறார் என்று கூறப்படுகிறது. ஏற்கனவே அவர் நடித்து வரும் வேட்டையன் திரைப்படத்தின் படப்பிடிப்பே கிட்டத்தட்ட 8 மாதங்களுக்கு மேலாக நடந்து வருகிறது.
இந்த நிலையில் அடுத்து லோகேஷ் கனகராஜ் திரைப்படம் படப்பிடிப்பு ஒன்றரை வருடம் நடக்க இருப்பதாக பேச்சுக்கள் இருக்கின்றன. இவ்வளவு வருடங்கள் ரஜினியின் திரைப்படத்திற்கு மட்டுமே எடுத்துக் கொண்டால் இன்னும் மூன்று திரைப்படங்கள் எடுக்க வேண்டுமே என்று கவலையில் இருக்கிறாராம் லோகேஷ் கனகராஜ்.
ஏனெனில் பொதுவாக லோகேஷ் கனகராஜ் குறைந்த நாட்களிலேயே ஒரு படத்தின் படப்பிடிப்பை முடித்துவிடுவார் ஆனால் ரஜினிகாந்திற்கு உடல்நிலை சரியில்லாத காரணத்தினால் இந்த படப்பிடிப்பு வெகு காலங்களுக்கு நடக்கும் என்று எதிர்பார்க்கப்படுகிறது.
