தற்சமயம் ஜெயம் ரவி நடிப்பில் இன்று வெளியாகியுள்ள திரைப்படம் அகிலன். இந்த படத்தில் நடிகை ப்ரியா பவானி சங்கர் கதாநாயகியாக நடித்துள்ளார். இயக்குனர் கல்யாண் கிருஷ்ணன் இந்த படத்தை இயக்கியுள்ளார்.
இவர் ஏற்கனவே நடிகர் ஜெயம் ரவியை வைத்து பூலோகம் என்னும் படத்தை இயக்கியுள்ளார். இந்த படமே தமிழ் மக்கள் மத்தியில் பெரும் வரவேற்பை பெற்றது. இயக்குனர் கல்யாண் கிருஷ்ணன் தனது திரைப்படங்களில் முக்கியமான சில அரசியல்களை பேசக்கூடியவர்.
பூலோகம் படத்தில் ஒரு பிரபலமான விளையாட்டு வீரனை வைத்து கார்ப்பரேட் நிறுவனம் எப்படி சம்பாதிக்கிறது என்பதை விளக்கும் வகையில் திரைப்படம் அமைந்திருக்கும். ஆனால் இந்த திரைப்படத்தில் கடல் சார்ந்த குற்றங்களை கூறும் விதமாக படம் அமைந்துள்ளது.
நாயகன் ஒரு சாதரண க்ரேன் ஆப்பரேட்டராக துறைமுகத்தில் பணிப்புரிகிறார். அங்கு கப்பல் வழியாக கடத்தல் செய்வதை அறிந்து அதை அவரும் செய்ய துவங்குகிறார். இதற்கிடையே அவருக்கு எதிரியாக சில கடத்தல்க்காரர்கள் உருவாகிறார்கள். அவர்களை எப்படி சமாளிக்கிறார் என கதை செல்கிறது.
படத்தில் கப்பலில் நடக்கும் கடத்தல்கள் சார்ந்து நிறைய பேசப்பட்டுள்ளது. மேலும் இந்த கடத்தலால் இந்திய பொருளாதாரம், பங்கு சந்தை போன்றவற்றில் ஏற்படும் பிரச்சனைகள், தனி மனித வாழ்வில் ஏற்படும் பாதிப்புகள் அனைத்தையும் இந்த படம் பேசுகிறது.
ஏற்கனவே பூலோகம் திரைப்படத்திற்கு மக்கள் மத்தியில் வரவேற்பு இருந்ததால் இந்த படமும் கூட வெற்றி பெறுவதற்கான வாய்ப்புகள் உள்ளன என நம்பலாம்.
