தமிழ் சினிமாவில் வளர்ந்து வரும் இயக்குனர்களில் மோகன் ஜியும் ஒருவர். இதுவரை இவர் 3 திரைப்படங்களை இயக்கியுள்ளார். எப்போதும் மோகன் ஜி இயக்கும் திரைப்படங்கள் அதிக விமர்சனத்துக்குள்ளாவது வாடிக்கையான விஷயமாகும்.
திரெளபதி, ருத்ர தாண்டவம், பகாசுரன் என அனைத்து திரைப்படங்களிலும் சர்ச்சையை ஏற்படுத்தும் கருத்துக்களை இவர் பேசியுள்ளார். பத்திரிக்கைக்காரர்களே இந்த திரைப்படங்களை கலாய்த்த நிகழ்வுகளும் நடந்துள்ளன.
திரெளபதி திரைப்படம் வந்தபோது அந்த படத்தை எதிர்மறையாக விமர்சித்த விகடன் பத்திரிக்கை அந்த படத்திற்கு மிகவும் குறைவான மதிப்பெண்ணை வழங்கியது. தற்சமயம் வந்த பகாசுரன் திரைப்படமும் கூட் பிபிசியால் எதிர்மறையான விமர்சனத்துக்கு உள்ளானது.
இந்நிலையில் மோகன் ஜி இயக்கிய மூன்று திரைப்படங்களில் இரண்டில் நடித்தவர் நடிகர் ரிச்சர் ரிஷி. அடுத்து மோகன் ஜி இயக்க போகும் திரைப்படத்தில் இவர்தான் நடிக்க இருக்கிறார் என தகவல்கள் வந்துள்ளன. இந்த படத்திற்கான திரைக்கதை வேலையில் இருக்கிறார் மோகன் ஜி.
கூடிய விரைவில் இந்த படத்திற்கான படப்பிடிப்பு துவங்கும் என கூறப்படுகிறது.
