நடிகர் சூரி கதாநாயகனாக நடிக்க துவங்கிய நாள் முதலே அவர் தேர்ந்தெடுக்கும் கதைகள் எல்லாமே அதிக சிறப்பு வாய்ந்தவையாக இருந்து வந்துள்ளன. அவர் நடித்த விடுதலை திரைப்படத்தின் இரண்டு பாகங்களுமே நல்ல வரவேற்பை பெற்றன.
கொட்டுக்காளி திரைப்படமும் கூட அவருக்கு உலக அளவில் வரவேற்பை பெற்று தந்தது. இந்த நிலையில் கருடன் திரைப்படத்திற்கு பிறகு சூரி கதாநாயகனாக நடித்து 5 ஆவதாக வெளியாக இருக்கும் திரைப்படம் மாமன்.
இந்த திரைப்படம் முழுக்க முழுக்க குடும்ப கதை அமைப்பை கொண்ட திரைப்படமாக உருவாகியுள்ளது. இந்த திரைப்படத்தில் கதாநாயகியாக நடிகை ஐஸ்வர்யா லெட்சுமி நடித்துள்ளார். பெரும்பாலும் காமெடி நடிகர்களுக்கு ஜோடியாக நடிக்கும் நடிகைகள் நெருக்கமான காட்சிகளில் அவ்வளவு எளிதில் நடிக்க மாட்டார்கள்.
ஆனால் இந்த படத்தில் சூரியோடு ஐஸ்வர்யா லெட்சுமிக்கு கட்டு பிடிப்பது போன்ற காட்சிகள் எல்லாம் இருக்கின்றன. இந்த நிலையில் இந்த படத்தின் ட்ரைலர் தற்சமயம் வரவேற்பை பெற்று வருகிறது.
