பெரிய இயக்குனர்கள் படங்களில் நடிப்பதன் மூலம் சில நடிகைகள் அதிக வரவேற்பை பெறுகின்றனர். அப்படியாக வரவேற்பை பெறும் ஒரு நடிகையாக இருப்பவர்தான் நடிகை ருக்மணி வசந்த்.
இவர் கன்னட சினிமாவில் பிரபலமான நடிகையாக இருந்து வந்தவர் ஆவார். அதனை தொடர்ந்து அவருக்கு தமிழ் சினிமாவில் வாய்ப்புகள் என்பது அதிகமாக கிடைக்க துவங்கியது.
இந்த நிலையில் அடுத்து தமிழில் ஏஸ் என்கிற திரைப்படத்தில் நடித்து வருகிறார். மேலும் சிவகார்த்திகேயன் நடித்து ஏ.ஆர் முருகதாஸ் இயக்கத்தில் உருவாகி வரும் எஸ்.கே 23 திரைப்படத்தில் இவர் கதாநாயகியாக நடித்து வருகிறார்.
தற்சமயம் இவருக்கு பேன் இந்தியா திரைப்படம் ஒன்றில் கதாநாயகியாக வாய்ப்பு கிடைத்துள்ளது. இயக்குனர் பிரசாந்த் நீல் இயக்கத்தில் அடுத்து ஜுனியர் என்.டி.ஆர் நடிப்பில் ஒரு திரைப்படம் வெளியாக இருக்கிறது. ஜுனீயர் என்.டி.ஆரின் பிறந்தநாளின் போதே இந்த திரைப்படம் குறித்த செய்திகள் வெளியாகி இருந்தது.
இந்த திரைப்படத்தில் ருக்மணி வசந்த் கதாநாயகியாக நடிக்க இருக்கிறார். பிரசாந்த் நீல் படம் என்பதால் படம் கண்டிப்பாக பெரிய படமாகதான் இருக்கும் என எதிர்பார்க்கப்படுகிறது.
