நான் பழி வாங்குறதா நினைக்குறீங்க… நாக சைதன்யா குறித்து சமந்தா..!

சென்னையில் பிறந்து தமிழ் சினிமாவில் மிகப் பிரபலமான ஒரு நடிகையாக மாறியவர் நடிகை சமந்தா. தமிழ் சினிமாவில் பிரபலமான பிறகு அவர் தெலுங்கு சினிமாவிலும் நடிப்பதற்கு முயற்சித்தார். அதேபோல தெலுங்கு சினிமாவில் வரவேற்பு கிடைத்தது.

அதனை தொடர்ந்து தெலுங்கில் நடித்துக் கொண்டிருந்த சமயத்தில் அவருக்கும் நடிகர் நாகைதன்யாவிற்கும் இடையே காதல் ஏற்பட்டது அவர்கள் இருவரும் திருமணம் செய்து கொண்டனர். ஆனால் சில வருடங்களிலேயே இருவரும் பிரிந்து விட்டனர்.

அவர்கள் இருவருக்கும் ஒத்துவரவில்லை என்று கூறப்பட்டது. பிறகு மிகுந்த உடல்நல பிரச்சனையால் பாதிக்கப்பட்ட சமந்தா சில காலங்கள் சினிமாவில் நடிக்காமல் இருந்து வந்தார். இப்பொழுது மீண்டும் சினிமாவில் நடிக்க துவங்கியிருக்கிறார்.

நாக சைதன்யா குறித்து சமந்தா:

இந்த நிலையில் சமீபத்தில் அவர் ஒரு பேட்டி கொடுத்திருந்தார். அதில் அவர் கூறும் பொழுது எனக்கு விவாகரத்து ஆன சமயத்தில் என்னை பலரும் மோசமாக விமர்சித்து வந்தனர். என்னை அவர்கள் பேசிய வார்த்தைகள் எல்லாம் என்னை மிகவும் கஷ்டப்படுத்தியது.

இதனால் இந்த பிரச்சனை என்னை மட்டும் இல்லாமல் எனது குடும்பத்தையும் பாதிக்க துவங்கியது. அது என்னை மிகவும் சோர்வடைய செய்தது ஆனால் அதற்காக மூலையில் அமர்ந்து அழுது கொண்டிருக்க முடியாது அல்லவா?

வாழ்க்கையில் அடுத்து என்ன செய்ய வேண்டும் என்று நினைத்தேன் இப்பொழுது தொடர்ந்து திரைப்படங்களில் நடிக்க தொடங்கி இருக்கிறேன் ஆனால் அதையும் கூட நான் அவரை பழிவாங்குவதற்காக தான் செய்கிறேன் என்று சிலர் கூறுகின்றனர் ஆனால் நான் எனது வாழ்க்கை வாழ்ந்து கொண்டிருக்கிறேன் அவ்வளவுதான் என்று கூறியிருக்கிறார் சமந்தா