Ajithkumar : தமிழ் சினிமாவில் டாப் நடிகர்களில் முக்கியமானவராக நடிகர் அஜித் இருந்து வருகிறார். விஜய் படத்திற்கு சமமான ஒரு எதிர்பார்ப்பையும் வசூலையும் அஜித் படம் கொடுத்து வருவதால் தொடர்ந்து வரவேற்பை பெரும் நடிகராக அஜித் இருந்து வருகிறார்.
அஜித் நடித்த திரைப்படங்களில் அவருக்கு அடையாளமாக அமைந்த சில திரைப்படங்கள் உண்டு. அவையெல்லாம் அவரது திரை வாழ்க்கையில் பெரும் முன்னேற்றத்தை ஏற்படுத்திய திரைப்படங்கள் ஆகும். ஒவ்வொரு நடிகருக்கும் அப்படியான திரைப்படங்கள் இருக்கும்.
அதே போல அஜித்திற்கு இருக்கும் படங்களில் முக்கியமான திரைப்படம் சிட்டிசன். இந்த படத்தை இயக்குனர் சரவண சுப்பையா இயக்கினார். இந்த படத்தை இவர் இயக்கும்போது தயாரிப்பாளருக்கு இந்த படம் பெரும் வெற்றி அடையும் என்ற நம்பிக்கையே இருக்கவில்லை.
அதே சமயம் இந்த திரைப்படத்திற்கான பட்ஜெட்டும் அதிகரித்துக்கொண்டே இருந்தது. இருந்தாலும் எதை பற்றியும் கவலைப்படாமல் அந்த படத்தை எடுத்து வந்தார் இயக்குனர். சிட்டிசன் வெளியான பிறகு எதிர்பார்த்ததை விடவும் பெரும் ஹிட் கொடுத்தது.
இந்த நிலையில் இதுக்குறித்து பேசிய இயக்குனர் கூறும்போது படம் வெற்றியடைந்ததும் தயாரிப்பாளர் ஒரு கார் வாங்கி கொடுத்து கையில் 50,000 பணமும் கொடுத்தார் என கூறினார். மேலும் அஜித் பற்றி ஒரு தகவலும் கூறினார்.
அஜித்திற்கு இயக்குனர் ஏதாவது பெரும் வெற்றி படங்களை கொடுத்தால் அந்த இயக்குனருக்கு அஜித் கார் வாங்கி தருவாராம். ஆனால் பெரிதாக அது வெளியில் தெரியாது. இந்த படத்தில் மட்டும் அஜித்தை முந்திக்கொண்டு தயாரிப்பாளர் எனக்கு கார் வாங்கி தந்துவிட்டார் என கூறினார் இயக்குனர் சரவண சுப்பையா..
