Cinema History
எங்கப்பா திட்டுவாரு சார்.. வேண்டாம்!.. ரஜினி படத்தை ஓட வைப்பதற்காக ஏ.வி.எம் நிறுவனம் செய்த ட்ரிக்!..
WhatsApp
Facebook
X
Threads
Instagram
Actor Rajinikanth : தமிழ் சினிமாவில் பெரும் ஹிட் கொடுக்கும் நடிகர்களில் முக்கியமானவர் நடிகர் ரஜினிகாந்த். பொதுவாகவே ரஜினிகாந்த் நடிக்கும் முக்கால்வாசி திரைப்படங்கள் பெரும் ஹிட் கொடுக்க கூடியவைதான். ஆனால் தமிழ் மக்களை பொறுத்தவரை அவர்கள் கதாநாயகனுக்காக படம் பார்க்க வருகிறார்கள் என நாம் எதிர்பார்க்க முடியாது.
எவ்வளவு பெரிய கதாநாயகனாக இருந்தாலும் அந்த படம் அவர்களுக்கு பிடிக்கவில்லை என்றால் படம் ஓடாது. இப்படியான சம்பவங்கள் நடிகர் ரஜினிக்கும் நடந்துள்ளது. இதனால் அவருக்கும் தோல்வி படங்கள் எல்லாம் இருந்துள்ளன.
அப்படியான படங்களில் எஜமான் (Ejamaan Movie) திரைப்படமும் வந்திருக்கும். ஆனால் அதை ஹிட் படமாக மாற்றிய பெருமை ஏ.வி.எம் சரவணனைதான் சேரும். ஏ.வி.எம் நிறுவனம்தான் எஜமான் படத்தை தயாரித்தது. இந்த படம் வெளியானப்போது படத்திற்கு பெரிதாக வரவேற்பே இல்லை.
சொல்லப்போனால் ரஜினிகாந்தின் ரசிகர்களுக்கே இந்த படம் பிடிக்கவில்லை. இதனால் கவலையில் இருந்தார் ஏ.வி.எம் சரவணன் இந்த நேரத்தில்தான் திலகவதி என்னும் பெண்ணிடம் இருந்து ஒரு கடிதம் வந்தது. அதில் எஜமான் படம் நன்றாக இருப்பதாகவும் எனக்கு வரும் கணவர் வானவராயன் போல இருக்க வேண்டும் என்றும் கூறியிருந்தார்.
இந்த கடிதத்தை செய்திதாள்களில் போட்டால் அது படத்திற்கு நல்ல விளம்பரமாக இருக்கும் என நினைத்தார் ஏ.வி.எம் சரவணன். இதனையடுத்து திலகவதியின் வீட்டிற்கு சென்று கேட்டப்போது அய்யோ அப்படியெல்லாம் போட்டால் எங்க அப்பா திட்டுவார். வேண்டாம் சார் என கேட்டுக்கொண்டுள்ளார் திலகவதி.
பிறகு அவரது தந்தையிடம் கேட்கும்போது அவர் எந்த ஆட்சேபனையும் இல்லை என கூறிவிட்டார். அதன் பிறகு அந்த கடிதம் செய்தி தாளில் பிரசுரமானது. அதனை தொடர்ந்து அந்த படத்திற்கு பெரும் வரவேற்பு கிடைக்க துவங்கியது.
