எனக்கு பிடிச்ச தமிழ் படங்கள்.. பாசில் ஜோசப்பை அதிர வைத்த தமிழ் படங்கள்.!
மலையாளத்தில் தற்சமயம் பிரபலமாக இருக்கும் நடிகர்களில் முக்கியமானவராக பாசில் ஜோசப் இருந்து வருகிறார். பொதுவாக கதாநாயகனுக்கு என சொல்லப்படும் உயரமான தோற்றம் மாதிரியான விஷயங்கள் எதுவும் இல்லாவிட்டாலும் கூட பாசில் ஜோசப் அவருக்கென தனி இடத்தை பிடித்துள்ளார்.
இவரின் இயல்பான நடிப்புக்கு அதிக ரசிகர்கள் இருந்து வருகின்றனர். இந்த நிலையில் சமீபத்தில் ஒரு தமிழ் யூ ட்யூப் சேனலுக்கு பேட்டி கொடுத்திருந்தார் பாசில் ஜோசப்.
அதில் அவர் கூறும்போது சினிமாவிற்கு வருவதற்கான உத்வேகத்தை எனக்கு தமிழ் திரைப்படங்கள்தான் கொடுத்தன. நான் சினிமாவுக்கு வர நினைத்த சம காலத்தில்தான் தமிழ் சினிமாவில் ஜிகர்தண்டா, முண்டாசுபட்டி, பண்ணையாரும் பத்மினியும் போற படங்கள் எல்லாம் வந்தன.
அவற்றை பார்த்தப்போது எனக்கும் சினிமாவில் சாதிக்க ஆசை வந்தது. அதே போல எனக்கு கமல் சார் படங்கள் மணிரத்தினம் படங்கள் எல்லாம் மிகவும் பிடிக்கும் என கூறியுள்ளார் பாசில் ஜோசப்.