Tamil Cinema News
படப்பிடிப்பில் நடந்த அசாம்பாவிதம்…காலில் விழுந்த அடி.. பிக்பாஸ் ஜனனிக்கு ஏற்பட்ட விபத்து.!
WhatsApp
Facebook
X
Threads
Instagram
பிக்பாஸ் நிகழ்ச்சியின் மூலமாக பலர் தமிழில் பிரபலமாகி இருக்கின்றனர். ஒரு வகையில் பிக்பாஸ் இவர்கள் எல்லாம் பிரபலமடைவதற்கு அதிகமாக உதவுகிறது. இதனாலேயே சினிமாவில் பிரபலமாக இல்லாதவர்கள் மற்றும் ஏற்கனவே பிரபலமாக இருந்து பிரபலத்தை இழந்தவர்கள் தொடர்ந்து பிக்பாஸ் மூலமாக மக்கள் மத்தியில் தனக்கான இடத்தை பிடிக்கின்றனர்.
அப்படி மக்கள் மத்தியில் பிரபலமான இலங்கை தமிழச்சிதான் நடிகை ஜனனி. பிக்பாஸில் இருந்த காலக்கட்டத்திலேயே ஜனனிக்கு பெரிய ரசிக பட்டாளம் இருந்து வந்தது.
அதற்கு பிறகு அவருக்கு திரைப்பட வாய்ப்புகளும் கிடைக்க துவங்கின. நடிகர் விஜய் நடித்த லியோ திரைப்படத்தில் ஒரு காட்சியில் மட்டும் நடித்திருந்தார் ஜனனி. அதனை தொடர்ந்து முக்கிய கதாபாத்திரங்களில் நடிப்பதற்காக தொடர்ந்து வாய்ப்பு தேடி வந்தார்.
இந்த நிலையில் தற்சமயம் நிழல் என்கிற திரைப்படத்தில் ஜனனி நடித்து வருகிறார். இந்த திரைப்படத்தின் படப்பிடிப்பு வேலைகள் சென்று கொண்டுள்ளன. சமீபத்தில் இந்த படத்தின் படப்பிடிப்பு நடந்தப்போது அதில் ஜனனிக்கு விபத்து ஏற்பட்டதாக கூறப்படுகிறது.
விபத்தில் அவருடைய காலில் அடிப்பட்டது. இதனை அடுத்து சமீபத்தில் அவர் ஒரு விழாவில் கலந்துக்கொள்ளும்போது காலில் கட்டு போட்டுக்கொண்டு கலந்துக்கொண்டுள்ளார். இதனை பார்த்த நெட்டிசன்கள் விரைவில் ஜனனி நலம் பெற வேண்டும் என கூறி வருகின்றனர்.
