பாகுபலி திரைப்படத்திற்கு பிறகு பிரபாஸ் நடிக்கும் பல திரைப்படங்கள் தொடர்ந்து பேன் இந்தியா திரைப்படங்களாகவே இருந்து வருகின்றன. தற்சமயம் இந்தியாவின் முன்னணி நடிகர்களில் ஒருவராக இருந்து வருகிறார் பிரபாஸ்.
பெரும்பாலும் அதிக பட்ஜெட் கொண்ட பேன் இந்தியா திரைப்படங்களில்தான் அவர் நடித்து வருகிறார். ஆனால் பாகுபலிக்கு பிறகு அவர் நடித்த படங்கள் வரிசையாக தோல்வியை கண்டன. ஆதி புருஷ், சாகோ போன்ற திரைப்படங்களின் தோல்வியைத் தொடர்ந்து இவரது நடிப்பில் வெளியான சலார் திரைப்படம் நல்ல வரவேற்பு பெற்றது.
கல்கி திரைப்படம்:
இந்த நிலையில் அடுத்து ஒரு பேன் இந்தியா படமாக தற்சமயம் கல்கி 2898 ஏடி திரைப்படத்தில் நடித்திருக்கிறார். விஷ்ணு பகவானின் பத்தாவது அவதாரமான கல்கி அவதாரத்தை அடிப்படையாகக் கொண்டு இந்த படத்தின் கதை எழுதப்பட்டு இருக்கிறது.
கலியுகத்தின் இறுதியில் உருவாகும் கல்கி அவதாரத்தை வைத்து மொத்த படத்தையும் கொண்டு சென்றுள்ளனர். ஆனால் இதில் கல்கி அவதாரத்தில் பிரபாஸ் நடிக்க வில்லை. இந்த நிலையில் படம் இன்று வெளியான நிலையில் பிரபலக விமர்சகர் பலரும் படம் குறித்த தங்களது கருத்துக்களை இணையத்தில் பதிவு செய்து வருகின்றனர்.
ரசிகர்கள் கருத்து:
வட இந்தியாவில் இந்த திரைப்படத்திற்கு அதிக வரவேற்பு இருந்து வருவதால் காலை நான்கு மணிக்கு படத்தின் முதல் ஷோ அங்கு திரையிடப்பட்டிருக்கிறது. அதனை பார்த்த ரசிகர்கள் படத்தின் முதல் பாதி மிகவும் மெதுவாக செல்வதாக கூறுகின்றனர்.
முதல் பாதியில் மொத்தமே நடிகர் பிரபாஸ் ஒரு சில காட்சிகளில் மட்டும்தான் வருகிறார். ஆனால் இரண்டாம் பாதியில் அத்தனைக்கும் மாறாக கதை விஸ்வரூபம் எடுத்து செல்கிறது என்று கூறுகின்றனர். பிரபாஸுக்கு நிச்சயமாக இந்த படம் ஒரு வெற்றி படமாக அமையும் என்று கூறப்படுகிறது.
ஏனெனில் 700 கோடிக்கு மேல் செலவு செய்து எடுக்கப்பட்ட இந்த திரைப்படம் ஆயிரம் கோடியை தாண்டி வெற்றி கொடுக்கும் என்பது அவர்களது கணிப்பாக இருக்கிறது. ஆனால் தென்னிந்தியாவில் இந்த படத்திற்கு எந்த அளவிற்கு வரவேற்பு இருக்கும் என்று தெரியவில்லை.
