தமிழ் திரையுல கலைஞர்களில் சிவாஜி கணேசனுக்கு பிறகு அனைத்து கதாபாத்திரங்களையும் ஏற்று நடிப்பவர் கமல்ஹாசன். நடிகர் ரஜினிகாந்திற்கு பிறகு தமிழ் சினிமாவில் கமல்ஹாசனே பெரிய நடிகராக அறியப்படுகிறார்.
அரசியலுக்கு சென்ற பிறகு கமல் திரையில் படம் நடிப்பதை விட்டிருந்தார். தற்சமயம் அவர் நடித்து வெளியான விக்ரம் திரைப்படம் நல்ல ஹிட் கொடுத்தது. அதை தொடர்ந்து மீண்டும் தமிழ் சினிமாவில் நடிக்க துவங்கியுள்ளார் கமல்ஹாசன்.
சில வருடங்களுக்கு முன்பு கமல்ஹாசனுக்கு பிரபல ஹாலிவுட் நடிகர் ஜாக்கிச்சானுடன் பேசுவதற்கு வாய்ப்பு கிடைத்தது. ஜாக்கிச்சான் அனைத்து சண்டை காட்சிகளையும் டூப் போடாமல் நடிக்க கூடியவர். அவர் நடிக்கும் அனைத்து படங்களிலும் எவ்வளவு கடினமான சண்டை காட்சிகளாக இருந்தாலும் அதை அவரே செய்யக்கூடியவர். இதனால் அவருக்கு அதிக தடைவை உடலில் அறுவை சிகிச்சை செய்யப்பட்டுள்ளது.
இதுக்குறித்து அவர் கமல்ஹாசனிடம் பேசிக்கொண்டிருந்தார். அப்போது நீங்களும் சண்டை காட்சிகளில் நடிப்பீர்களா? என கேட்டுள்ளார் ஜாக்கிச்சான். சில சமயங்களில் நடிப்பேன். பல படங்களில் சண்டை காட்சிகளில் எனக்கு விபத்தும் ஏற்பட்டுள்ளது என கமல் கூறியுள்ளார்.
சண்டை காரணமாக எத்தனை முறை உங்களுக்கு அறுவை சிகிச்சை செய்யப்பட்டுள்ளது என கேட்டார் ஜாக்கிச்சான். அதற்கு கமல் ஒரு 30 முறை செய்திருப்பேன் என கூறியுள்ளார். அதிர்ச்சியடைந்த ஜாக்கிச்சான் எனக்கு 15 முறைதான் நடந்துள்ளது. நானும் கொஞ்ச நாளில் உங்கள் அளவை அடைகிறேன் என கூறியுள்ளார் ஜாக்கிச்சான்.
இதை ஒரு பேட்டியில் கமல்ஹாசன் கூறியுள்ளார்
