இரண்டு பாடகர்களை வம்பிழுத்த அமீர்!. தப்பித்து ஓடிய யுவன்.. ரொம்ப டெரர்தான்!..

Director Ameer: தமிழில் மௌனம் பேசியதே திரைப்படம் மூலமாக இயக்குனராக அறிமுகமானவர் அமீர். அதற்கு முன்பு இயக்குனர் பாலாவிடம் உதவி இயக்குனராக பணிப்புரிந்து வந்தார். நந்தா படத்தில் துணை இயக்குனராக பணிப்புரிந்தார். அந்த சமயத்தில் நந்தா படத்தின் போஸ்டர் வெளியான போது அதில் துணை இயக்குனர் என்னும் இடத்தில் அமீரின் பெயர் இல்லை.

இதனால் கோபமான அமீர் பிறகு பாலாவை விட்டு பிரிந்து திரைப்படம் எடுகக் துவங்கினார். அமீர் திரைப்படம் எடுக்க துவங்கிய பிறகு அதிகப்பட்சம் அவரது திரைப்படங்களில் யுவன் சங்கர் ராஜாதான் இசையமைப்பார்.

அமீரிடம் ஒரு கெட்ட பழக்கம் உண்டு. பாடகர்கள் பாடல் பாடும்போது அதில் ஏதாவது குறை கூறிக்கொண்டே இருப்பார் அமீர். இதனால் பிரச்சனைகள் ஏற்படும். எனவே அமீர் பாடல் பாடும் இடத்தில் இருந்தால் அங்கு யுவன் சங்கர் ராஜா இருக்க மாட்டார்.

இப்படியான சூழலில்தான் ஒருமுறை பருத்திவீரன் திரைப்படத்திற்கு பாடல் பாட வந்த பிரபல பாடகி ஸ்ரேயா கோஷலை போட்டு வாட்டி எடுத்ததில் இனி இந்த இயக்குனருக்கு பாடலே பாட மாட்டேன் என கோவித்துக்கொண்டு சென்றுவிட்டார்.

ராம் படம் தயாராகி கொண்டிருந்தப்போது இதே போல ஒரு விஷயம் பாடகர் ஜேசுதாஸிற்கும் நடந்துள்ளது. தமிழில் ஜேசுதாஸ் எவ்வளவு பெரிய பாடகர் என்பது பலருக்கும் தெரிந்த விஷயம்தான். அவர் ராம் படத்தில் பாடும்போது ஒரு இடத்தில் பாடுவது சரியில்லை என அமீர் குறை கூறியுள்ளார்.

அப்படியா அப்படியென்றால் அதை எப்படி சரியாக பாட வேண்டும் என பாடி காட்டு என கோபமாக கேட்டுள்ளார் ஜேசுதாஸ். அந்த சமயம் பார்த்து அங்கிருந்த யுவன் சங்கர் ராஜாவை தேடியுள்ளார் அமீர். ஆனால் வழக்கம் போல யுவன் சங்கர் ராஜாவை அங்கு காணவில்லை. இந்த விஷயத்தை அமீர் ஒரு பேட்டியில் பகிர்ந்திருந்தார்.