படம் எடுக்க வாங்குன பழத்தை கூட வேஸ்ட் பண்ண மாட்டாரு!.. ராம நாராயணன் 100 படம் ஹிட் கொடுக்க இதுதான் காரணம்!.. ஷங்கர் கத்துக்கணும்!.

Director Rama narayanan: சினிமாவில் ஒரு காலத்தில் எக்கச்சக்கமான வெற்றி படங்களை கொடுத்த இயக்குனர்களில் முக்கியமானவர் இயக்குனர் ராம நாராயணன்.  மிக குறுகிய காலத்தில் குறைந்த பட்ஜெட்டில் அவர் ஒரு திரைப்படத்தை இயக்கி முடித்து விடுவார்.

அதனாலேயே ராம நாராயணனுக்கு அப்போது அதிக வரவேற்பு இருந்தது. தமிழ் சினிமாவிலேயே தொடர்ந்து 100 படங்கள் ஹிட் கொடுத்தவர் ராமநாராயணன் மட்டுமே என கூறுகிறார்கள் அப்போது சினிமாவில் இருந்த பிரபலங்கள்.

தயாரிப்பாளர்கள் ராம நாராயணனுக்கு கொடுத்த ஆதரவே இதற்கு காரணம் என கூறப்படுகிறது. நடிகர் ராமராஜன் ராம நாராயணனிடம்தான் உதவி இயக்குனராக பணிப்புரிந்தார். அதற்கு பிறகுதான் நடிகரானார்.

ராமநாராயணனின் சிக்கனம்:

பெரும்பாலும் ராம நாராயணன் அவரது திரைப்படங்களில் பாம்பு, குரங்கு, யானை, நாய் போன்றவற்றை நடிக்க வைப்பார். ஏனெனில் அதை பார்ப்பதற்காகவே மக்கள் திரையரங்கிற்கு வருவார்கள். எத்தனையோ 90ஸ் கிட்ஸ்கள் கூட அந்த மாதிரி படங்களை விரும்பி பார்த்திருப்பார்கள்.

ராமநாராயணனுக்கு தொடர்ந்து இப்படி வாய்ப்புகள் வருவதற்கு முக்கிய காரணம் என்னவென்றால் அவர் படப்பிடிப்புக்கு அதிகமாக செலவு செய்ய மாட்டாராம். ஒரு திரைப்படத்தை இயக்குகிறார் என்றால் எவ்வளவு குறைவான செலவில் படப்பிடிப்பை முடிக்கலாம் என்றுதான் யோசிப்பார்.

உதாரணமாக ஒரு திருமண காட்சிக்கு தேவையான பழங்கள் வாங்க வேண்டும் என்றால் அதை கோயம்பேடு மார்க்கெட்டில் வாங்கும்போதே டீலிங் பேசிதான் வாங்குவாராம். படப்பிடிப்பு முடிந்ததும் பழங்களை எல்லாம் திரும்ப கொடுத்துவிட்டு பாதி தொகையை வாங்கி கொள்வாராம்.

அந்த அளவிற்கு தயாரிப்பு செலவுகளை வேஸ்ட் செய்யாமல் பயன்படுத்துவாராம் ராம நாராயணன்.