கங்குவா படத்துக்கு வந்த சோதனை.. வழக்கில் சிக்கிய தயாரிப்பாளர்..! படம் ரிலீசில் வந்த பிரச்சனை.!

தற்சமயம் தமிழ்நாட்டில் மக்கள் மத்தியில் அதிக எதிர்பார்ப்பை ஏற்படுத்தி வரும் திரைப்படமாக கங்குவா திரைப்படம் இருந்து வருகிறது. கங்குவா திரைப்படத்தில் நடிகர் சூர்யா கதாநாயகனாக நடித்து வருகிறார்.

இந்த திரைப்படத்தை சிறுத்தை சிவா இயக்கி இருக்கிறார். நவம்பர் மாதம் இந்த திரைப்படம் திரைக்கு வர இருக்கிறது. ஏற்கனவே இந்த படம் அக்டோபர் 10ஆம் தேதி திரைக்கு வர இருந்தது.

கங்குவா படத்துக்கு வந்த சோதனை

ஆனால் அன்றைய தினம் வேட்டையன் திரைப்படம் வெளியான காரணத்தினால் இந்த படத்தின் வெளியீட்டு தேதி மாற்றி வைக்கப்பட்டது இந்த நிலையில் கங்குவா எப்படி இருக்கும் என்பது ரசிகர்கள் மத்தியில் சர்ப்ரைஸாக இருந்து வருகிறது.

அதே சமயம் இந்த படம் வெளியாகுமா? என்பதே இப்பொழுது சந்தேகத்திற்கு உள்ளாகி இருக்கிறது. ஆமாம் கங்குவா திரைப்படத்தை தயாரிப்பாளர் ஞானவேல் ராஜாதான் தயாரித்து இருந்தார். இவர் ஏற்கனவே ரிலையன்ஸ் நிறுவனத்திடம் 99 கோடி கடன் வாங்கி இருப்பதாக கூறப்படுகிறது.

படம் ரிலீசில் வந்த பிரச்சனை

டெடி மற்றும் தங்கலான் திரைப்படத்திற்காக இந்த கடனை வாங்கி இருக்கிறார் ஞானவேல் ராஜா. ஆனால் அதில் 40 கோடி ரூபாய் தான் அவர் திரும்ப கொடுத்ததாக கூறப்படுகிறது. இதனால் தற்சமயம் ரிலையன்ஸ் நிறுவனம் ஞானவேல் ராஜாவின் மீது வழக்கு தொடுத்துள்ளதாக கூறப்படுகிறது.

இந்த வழக்கு ஏழாம் தேதி நீதிமன்றத்திற்கு வருகிறது இந்த வழக்கு முடியும் வரையில் கங்குவா படம் வெளியாவது சந்தேகமாக இருக்கும் என்று ஒரு பக்கம் பேச்சுக்கள் இருக்கின்றன. ஆனால் ஞானவேல் ராஜா ரிலையன்ஸ் நிறுவனத்திடம் சமரசமாக போகும் நிலையில் குறிப்பிட்ட தேதியில் படம் வெளியாகும் என்று ஒரு பக்கம் பேச்சுக்கள் இருக்கின்றன.