News
ஒரே வருஷத்துல 2 ஹிட்.. அடுத்தடுத்து 1000 கோடி வசூல்! – கொண்டாட்ட மனநிலையில் ஷாரூக்கான்!
WhatsApp
Facebook
X
Threads
Instagram
இந்த ஆண்டு ஷாரூக்கானுக்கு மிகவும் அதிர்ஷ்டமான ஆண்டு என்றுதான் சொல்ல வேண்டும். கடந்த சில ஆண்டுகளாகவே ஷாரூக்கானுக்கு நல்ல படங்கள் அமையவில்லை. நடித்த ஒரு சில படங்களும் எதிர்பார்த்த வெற்றியை பெறவில்லை. கடந்த ஆண்டில் ராக்கெட்ரி, ப்ராம்மாஸ்த்ரா போன்ற படங்களில் கேமியோ ரோல்களில் மட்டுமே ஷாருக்கான் நடித்துக் கொண்டிருந்தார்.
ஷாரூக்கான் காலம் முடிந்து விட்டது என எல்லாரும் பேசிக் கொண்டிருந்த நேரத்தில் எப்பவுமே King Khan ஒருத்தர்தான் என மீண்டும் நிரூபித்துள்ளார் ஷாரூக் பாய். இந்த ஆண்டின் தொடக்கத்தில் வெளியான பதான் திரைப்படம் அதிரிபுதிரி ஹிட். தென்னிந்தியாவிலிருந்து வெளியான பாகுபலி, கேஜிஎஃப் படங்கள் அசால்ட்டாக 1000 கோடியை தாண்டிய நிலையில் பதான் திரைப்படமும் 1000 கோடி வசூல் செய்து ஷாரூக்கானை பாலிவுட்டில் மீண்டும் உயர செய்தது.
இந்நிலையில் இப்போது வெளியாகி சக்கைப்போடு போட்டு வரும் ஜவான் திரைப்படமும் 1000 கோடி வசூலை தொட்டுள்ளது. இதன் மூலம் ஒரே ஆண்டில் அடுத்தடுத்த படங்களில் தொடர்ந்து 1000 கோடி சூல் செய்த நாயகன் என்ற சாதனையை ஷாரூக்கான் படைத்துள்ளார்.
இந்த அடுத்தடுத்த வெற்றி ஷாரூக்கானை கொண்டாட்ட மனநிலையில் தள்ளியுள்ளதாம். கோலிவுட்டில் பட வெற்றி பெற்றால் இயக்குனர், சக நடிகர்களுக்கு கார், பைக் உள்ளிட்டவற்றை பரிசாக வாங்கி தருவது ட்ரெண்டாகி வருகிறது. அதுபோல சில ஆச்சர்யமான பரிசுகளை ஜவான் படக்குழுவிற்கு அளிக்கலாம் என திட்டமிட்டு வருகிறாராம் ஷாரூக் கான்.
