இனி ஹீரோயின் ரோல்லாம் கிடைக்காது.. வில்லி ரோல் ஓகேவா? – காஜல் அகர்வாலுக்கு இந்த நிலையா?

ஒரு சமயத்தில் தமிழ் தெலுங்கு கன்னடம் இந்தி என பல மொழி படங்களிலும் பிசியாக நடித்து வந்தவர் நடிகை காஜல் அகர்வால். தமிழில் விஜய், அஜித், தெலுங்கில் ராம்சரண், மகேஷ்பாபு என்டிஆர், ஹிந்தியில் அஜய் தேவ்கன் உள்ளிட்ட பல முக்கிய நடிகர்களோடு நடித்த காஜல் அகர்வால் சில ஆண்டுகளுக்கு முன்னதாக திருமணம் செய்துகொண்டார்.

நல்ல மார்க்கெட் இருக்கும்போது அவர் திடீரென திருமணம் செய்து கொண்டது பலருக்கும் அதிர்ச்சியை ஏற்படுத்தியது. அப்போதே அவருக்கு நெருக்கமான சிலர் திருமணம் செய்து கொண்டால் பட வாய்ப்பு குறைந்து விடும் என்று கூறினார்களாம். அது போலவே இப்போது காஜல் அகர்வால் திருமணம் செய்து ஒரு குழந்தையும் பெற்றுவிட்ட நிலையில் பட வாய்ப்புகள் குறைந்துவிட்டது.

காஜல் அகர்வாலும் விட்டுக் கொடுக்காமல் அடிக்கடி கிளாமரான ஃபோட்டோ ஷூட் படங்களை தனது சோஷியல் மீடியாவில் பதிவேற்றி வருகிறார். அப்படி இருந்தும் ஹீரோயின் வாய்ப்பு கிடைக்காவிட்டாலும் படத்தில் வில்லியாக நடிக்க காஜல் அகர்வாலை தொடர்பு கொண்டுள்ளனர்.

பிரம்மாண்ட தெலுங்கு இயக்குநர் எஸ் எஸ் ராஜமௌலி இயக்கத்தில் மகேஷ் பாபு நடிக்கும் படம் விரைவில் தொடங்க உள்ளது. இந்த படத்தில் வில்லியாக நடிக்கத்தான் காஜல் அகர்வாலை தொடர்பு கொண்டதாக தகவல்கள் வெளியாகியுள்ளது. ராஜமௌலி படம் என்பதால் இந்தியா முழுவதும் பிரபலம் ஆகலாம் என்பதால் இந்த படத்தில் நடிக்க காஜல் அகர்வால் ஒப்புக்கொள்வார் என்று எதிர்பார்க்கப்படுகிறது.