வடக்கில் அதிரவிட்ட அட்லீ –  ஜவான் டிவிட்டர் விமர்சனம்!..

தென்னிந்திய சினிமாவிற்கு இந்திய அளவில் வரவேற்பு அதிகரித்துக்கொண்டே வருகிறது. தென்னிந்திய சினிமாக்கள் 1000 கோடி வசூல் சாதனை செய்ய துவங்கியதில் இருந்தே அதன் மீது மற்ற சினிமாக்களுக்கு ஆவல் வந்துவிட்டது.

இந்த நிலையில் தமிழ் இயக்குனர் அட்லீ இயக்கத்தில் ஷாருக்கான் நடித்து ஜவான் என்கிற திரைப்படம் தயாராகி வந்தது. அட்லீ ஏற்கனவே தமிழில் சில ஹிட் படங்களை கொடுத்துள்ளார். இதனால் இவருக்கு பாலிவுட்டில் படம் இயக்கும் வாய்ப்பு கிடைத்தது.

இந்த நிலையில் ஜவான் திரைப்படம் தற்சமயம் திரையரங்குகளில் வெளியாகியுள்ளது. காலையில் முதல் காட்சிகளில் இருந்தே படத்திற்கு அதிக வரவேற்பு ஏற்பட்டு வருகிறது. தமிழ்நாட்டில் எந்த அளவிற்கு வரவேற்பை பெற்றது என தெரியவில்லை.

ஆனால் வட இந்தியாவில் இந்த படம் நல்ல வரவேற்பை பெற்றுள்ளது. வட இந்திய ரசிகர்கள் இந்த படத்தை கொண்டாடி வருகின்றனர். இயக்குனர் அட்லீ தமிழ் ரசிகர்களை கவர்வதற்காக விஜய்க்கு படத்தில் கேமியோ கதாபாத்திரம் கொடுத்துள்ளார்.

படத்தை பார்த்த ரசிகர்கள் பலரும் படத்தை புகழ்ந்து வருகின்றனர். படத்தில் விஜய் சேதுபதியின் நடிப்பும், அனிருத்தின் இசையும் பட்டையை கிளப்பியுள்ளது என கூறப்படுகிறது.

இந்த படம் 1000 கோடி வசூல் சாதனை படைக்கும் என கருத்து தெரிவிக்கின்றனர் ரசிகர்கள்.