அப்பாடா… புஷ்பா பட வெளியீடு மாறியதால் குஷியில் களமிறங்கிய 3 முக்கிய படங்கள்..!
பொதுவாகவே மக்கள் எதிர்பார்ப்போடு பெரிய படம் ஒன்று வெளியாகிறது என்றால் அப்பொழுது மற்ற திரைப்படங்களை தயாரிக்கும் தயாரிப்பாளர்கள் அந்த திரைப்படத்திற்கு வழி விட்டு நிற்பது வழக்கம்.
அந்த வகையில் ஆகஸ்ட் 15 ஆம் தேதி பல திரைப்படங்கள் வெளியிடுவதற்கு ப்ளான் செய்திருந்த போது புஷ்பா திரைப்படம் அந்த தேதியில் வெளிவருவதாக தகவல் வெளியானது.
தேதியில் மாற்றம்:
அதனை அடுத்து பலரும் தங்கள் படத்தை வெளியிடாமல் ஒதுங்கி நின்றனர் இந்த நிலையில் புஷ்பா திரைப்படம் ஆகஸ்ட் 15ஆம் தேதி வெளியாகவில்லை என்று கூறப்படுகிறது.
இந்த நிலையில் இயக்குனர் பா.ரஞ்சித் இயக்கத்தில் விக்ரம் நடித்து வரும் தங்கலான் திரைப்படத்தை ஆகஸ்ட் 15ஆம் தேதி வெளியிட திட்டமிட்டு இருக்கின்றனர். இந்த திரைப்படத்திற்கு நிறைய வரவேற்பு இருக்கிறது.
WhatsApp
Facebook
X
Threads
Instagram
கண்டிப்பாக இந்த திரைப்படம் பெருமளவில் வெற்றியை கொடுக்கும் என்றும் எதிர்பார்க்கப்படுகிறது. அதற்குப் பிறகு நடிகர் அருண் விஜய் நடித்து பாலா இயக்கிய வணங்கான் திரைப்படத்தையும் ஆகஸ்ட் 15ஆம் தேதி வெளியிட திட்டமிட்டு இருக்கின்றனர்.
களம் இறங்கும் தமிழ் படங்கள்:
இந்த திரைப்படத்தின் படப்பிடிப்பு முடிந்து வெகுநாட்கள் ஆகியும் படம் வெளியிடுவதற்கான சரியான தேதி கிடைக்காமல் அப்படியே வைத்திருக்கின்றனர். இந்த இரண்டு திரைப்படங்களுடன் போட்டி போட்டு சிவகார்த்திகேயன் தற்சமயம் கமல்ஹாசன் தயாரிப்பில் நடித்து வரும் அமரன் திரைப்படத்தை வெளியிட உள்ளனர்.
ராணுவத்தில் பணிபுரிந்த மேஜர் முகுந்த் வரதராஜனின் உண்மைக் கதையை அடிப்படையாகக் கொண்டு எடுக்கப்படும் இந்த திரைப்படத்திற்கும் வரவேற்பு அதிகமாக இருந்து வருகிறது. நான் இந்த மூன்று திரைப்படங்களில் வணங்கான் திரைப்படத்தை விடவும் தங்கலான் மற்றும் அமரன் திரைப்படத்திற்கு அதிக வரவேற்பு கிடைக்கும் என்று எதிர்பார்க்கப்படுகிறது.