Cinema History
உங்களோட பெரிய ரசிகன் சார் நானு!.. பிரபலமில்லாத நடிகருக்கு அதிர்ச்சி கொடுத்த லோகேஷ் கனகராஜ்!..
WhatsApp
Facebook
X
Threads
Instagram
பொதுவாக சினிமாவில் இயக்குனர்கள் நடிகர்கள் என யாராக இருந்தாலும் அவர்கள் பெரிய வளர்ச்சி அடைய அடைய சினிமாவில் அவர்களுடைய அந்தஸ்தும் அதிகரிக்கும். இதனால் அவர்கள் தங்களை பெரிய இடத்தில் வைத்து பார்ப்பார்கள்.
ஆனால் சிலர் அதற்கு விதிவிலக்கு. உதாரணத்திற்கு பிரகாஷ் ராஜ் மாதிரியான சில நடிகர்கள் அதிக பணம் சம்பாதித்த போதும் மிக எளிமையாக இருப்பதை பார்க்க முடியும். அந்த வகையில் இயக்குனர் லோகேஷ் கனகராஜும் முக்கியமானவர்.
அவருடன் தன்னுடைய அனுபவத்தை பகிர்ந்துள்ளார் நடிகர் ராமகிருஷ்ணன். நடிகர் ராமகிருஷ்ணன் குங்கும பூவும் கொஞ்சும் புறாவும் திரைப்படத்தில் கதாநாயகனாக நடித்தவர். அதற்கு பிறகு இவருக்கு பெரிதாக வரவேற்பு இல்லை.
இருந்தாலும் திரைத்துறையில் வெவ்வேறு துறைகளில் இவர் பணிப்புரிந்து வந்தார். இந்த நிலையில் மாமன்னன் திரைப்படத்தில் இவர் பணிப்புரிந்து வந்தப்போது லோகேஷ் கனகராஜ் இவருக்கு போன் செய்துள்ளார். சார் நான் உங்களோட ரசிகன் சார், குங்கும பூவும் கொஞ்சும் புறாவும் படம் எனக்கு ரொம்ப பிடிக்கும் சார் என கூறியுள்ளார்.
அதன் பிறகு ராமகிருஷ்ணனனை நேரில் சந்தித்துள்ளார். அப்போது ராமகிருஷ்ணன் லோகேஷிடம் சார் உங்க படத்துல ஏதாவது சான்ஸ் இருக்கா சார் என கேட்டுள்ளார். உடனே லோகேஷ் சார் நிஜமா நடிக்கிறீங்களா சார் என ஆச்சரியமாக கூறி உடனே அவருக்கு லியோ படத்தில் ஒரு கதாபாத்திரத்தை அளித்துள்ளார்.
அந்த அளவிற்கு தலைமேல் கனம் இல்லாத மனிதனாக இருக்கிறார் என அவரை குறித்த ராமகிருஷ்ணன் அவரது பேட்டியில் கூறியுள்ளார்.
