சிம்பு தேவனோட போட் படம் கவிழ்ந்ததா? கரை சேர்ந்ததா?.. பட விமர்சனம்!..

தமிழ் சினிமாவில் தொடர்ந்து வித்தியாசமான திரைப்படங்களை இயக்கி வந்தவர் இயக்குனர் சிம்பு தேவன். 23 ஆம் புலிகேசி திரைப்படம் மூலமாக தமிழ் சினிமாவிற்கு அறிமுகமானார் சிம்பு தேவன்.

முதல் திரைப்படமே அவருக்கு நல்ல வரவேற்பை பெற்று கொடுத்தது. ஒவ்வொரு முறை திரைப்படங்களை இயக்கும் பொழுதும் புதுவகையான கதையை வைத்து இயக்கக் கூடியவர் சிம்பு தேவன். அதற்கு பிறகு அவர் இயக்கிய அறை எண் 305 இல் கடவுள், இரும்புக்கோட்டை முரட்டு சிங்கம் மாதிரியான திரைப்படங்கள் எல்லாமே வித்தியாசமான திரைப்படங்களாக இருந்திருக்கின்றன.

சிம்புத்தேவன் படம்:

அந்த வகையில் சமீபத்தில் அவர் இயக்கத்தில் போட் என்கிற திரைப்படம் திரையரங்களில் வெளியாகியிருக்கிறது. இந்த திரைப்படமும் வித்தியாசமான கதை களத்தை கொண்ட படமாகும். யோகி பாபு கதாநாயகனாக நடித்திருக்கும் இந்த திரைப்படத்தின் கதை என்ன என்று பார்ப்போம்.

கதைப்படி இரண்டாம் உலகப்போர் சமயத்தில் ஜப்பான் ரங்கூனில் குண்டு போட்டது பலருக்குமே தெரிந்த விஷயமாக இருக்கும். அதற்குப் பிறகு அது சென்னையில் குண்டு போட போவதாக பேச்சுக்கள் இருந்து வந்தன.

அதனால் சென்னையில் இருந்த மக்கள் எல்லாம் அங்கிருந்து கிளம்பி வேறு வேறு இடத்திற்கு சென்றனர். சிலர் சென்னையிலேயே பதுங்கு குழிகள் எல்லாம் கட்டிக்கொண்டு இருந்தனர் அந்த காலகட்டத்தில்தான் இந்த கதை நடக்கிறது.

படத்தின் கதை:

இந்த காலகட்டத்தில் யோகி பாபுவும் அவரது தாயாரும் யோகி பாபுவின் தம்பியை காப்பாற்ற செல்கின்றனர் சிறையில் இருக்கும் தம்பியை எப்படியாவது மீட்டுக் கொண்டு வர வேண்டும் என்று செல்கின்றனர் இதற்காக ஒரு போட்டை எடுத்துக்கொண்டு செல்லும் அவர்கள் தம்பியை அழைத்துக்கொண்டு திரும்பும் பொழுது தம்பி மட்டும் போட்டில் ஏறவே இல்லை.

இது தெரியாமல் யோகி பாபு போட்டை எடுத்துக் கொண்டு சென்று விடுகிறார். பிறகு அந்த போட்டில் செல்பவர்களுக்கு என்ன நடக்கிறது என்பது தான் படத்தின் கதையாக இருக்கிறது. அதனை மிக நேர்த்தியாக 2 மணி நேரம் படமாக கொடுத்திருக்கிறார் சிம்பு தேவன்.

படத்தில் இசையைப் பொறுத்தவரை இசை பெரிதாக சொல்லிகொள்ளும்படி இல்லை பாடல்கள் பெரிதாக வெற்றி பெறுமா என்பது சந்தேகம் தான் ஆனால் படத்தின் கதை என்பது வழக்கமாக சிம்பு தேவன் பாணியிலேயே இருக்கிறது. ரசிகர்களுக்கு இருக்கும் எதிர்பார்ப்பை கண்டிப்பாக இந்த படம் பூர்த்தி செய்யும் என எதிர்பார்க்கப்படுகிறது.