அந்த படத்தில் நடிச்சதுதான் நான் செஞ்ச தப்பு!.. ஓப்பனாக ஒப்புக்கொண்ட சிவகார்த்திகேயன்!.

Actor sivakarthikeyan: நடிகர் சிவகார்த்திகேயன் தமிழ் சினிமா நடிகர்களில் வளர்ந்து வரும் நடிகர்களில் முக்கியமானவராவார். சிவகார்த்திகேயன் நடிப்பில் இறுதியாக வந்த மாவீரன் திரைப்படம் தமிழ் சினிமா ரசிகர்கள் மத்தியில் பெரும் வரவேற்பை பெற்றது.

அதனை தொடர்ந்து தற்சமயம் சிவகார்த்திகேயன் நடிப்பில் வரும் பொங்கலுக்கு வெளியாகவிருக்கும் திரைப்படம் அயலான். அயலான் திரைப்படத்தை பெரிதும் நம்பியிருக்கிறார் நடிகர் சிவகார்த்திகேயன். ஏனெனில் இந்த திரைப்படம் இவரது தயாரிப்பிலேயே தயாராகி வருகிறது.

அயலான் திரைப்படம் கிட்டத்தட்ட மூன்று வருடங்களுக்கு மேலாக படமாக்கப்பட்டு வருகிறது. படத்தின் பட்ஜெட் காரணமாகவே இந்த தாமதம் ஏற்பட்டுள்ளது என கூறப்படுகிறது. படத்தை முடிப்பதற்காக பல இடங்களில் கடன் வாங்கியுள்ளார் சிவகார்த்திகேயன்.

இதற்கு முன்பு வெளியான டான் திரைப்படமும் கூட சிவகார்த்திகேயனுக்கு சிறப்பான படமாக அமைந்திருந்தது. அந்த படம் கிட்டத்தட்ட 100 கோடிக்கு ஓடி பெரும் லாபம் ஈட்டி கொடுத்தது. ஆனால் அதற்கு பிறகு வந்த ப்ரின்ஸ் திரைப்படம் எதிர்பார்த்த வெற்றியை கொடுக்கவில்லை.

அதே சமயத்தில் வெளியான சர்தார் திரைப்படம் பெரும் வெற்றியை கொடுத்ததால் யாரும் பிரின்ஸ் திரைப்படத்தை கண்டுக்கொள்ளவில்லை. இந்த நிலையில் இதுக்குறித்து ஒரு பேட்டியில் பேசிய சிவகார்த்திகேயன், “பிரின்ஸ் படத்தில் நான் நடித்திருக்க கூடாது. வேறு யாராவது ஒரு நடிகர் அந்த படத்தில் நடித்திருந்தால் அந்த படம் வெற்றியடைந்திருக்கும்.

நான் நடித்ததால் மக்கள் என்னிடம் நிறைய எதிர்பார்ப்புகளை வைத்திருந்தனர். அதுவே பட தோல்விக்கு காரணமாக அமைந்தது என கூறியுள்ளார் சிவகார்த்திகேயன்.