சாமியார் காலில் விழுறதுதான் சமத்துவமா!.. கலாய்க்கு உள்ளான சூப்பர் ஸ்டார்!..

தமிழில் உள்ள டாப் 10 நடிகர்களில் மிக முக்கியமானவர் நடிகர் ரஜினிகாந்த். ரஜினிகாந்த் நடிக்கிறார் என்றாலே அதிகப்பட்சம் அந்த படம் வெற்றி பெற்றுவிடும். எனவேதான் இப்போதும் கூட அவரது மார்க்கெட் குறையாமல் உள்ளது.

தற்சமயம் அவர் நடித்து வெளியான ஜெயிலர் திரைப்படம் உலக அளவில் பெரும் வரவேற்பை பெற்று வருகிறது. இதற்கு அடுத்து ஜெய்பீம் இயக்குனர் ஞானவேலின் இயக்கத்தில் வேட்டையன் என்கிற திரைப்படத்தில் நடிக்க இருக்கிறார் ரஜினி. அதற்கு பிறகு இயக்குனர் லோகேஷ் கனகராஜ் இயக்கத்தில் ஒரு படம் நடிக்க இருக்கிறார்.

இந்த படம்தான் இவரது கடைசி படமாக இருக்கும் என கூறப்படுகிறது. இந்த நிலையில் படப்பிடிப்பிற்கு நடுவே ப்ரேக் எடுத்துக்கொண்டு சுற்றுலா சென்ற ரஜினிகாந்த் உத்திர பிரதேசத்தின் முதலமைச்சரான யோகி ஆதித்யநாத்தை அவரது வீட்டில் சந்தித்தார்.

அப்போது யோகி ஆதித்யநாத்தின் காலில் விழுந்து ஆசிப்பெற்றார் ரஜினிகாந்த். இத்தனைக்கும் யோகி ஆதித்யாநாத்தை விட ரஜினிக்கு வயது அதிகம். காலா படத்தில் ஒரு காட்சியில் காலில் விழ வரும் பெண்ணிடம் காலில் விழுவது அடிமைத்தனம், கை கொடுப்பதுதான் சமத்துவம் என ரஜினி பேசியிருப்பார்.

படத்தில் எல்லாம் அப்படி பேசிவிட்டு நிஜத்தில் ஒரு சாமியார் காலில் விழுந்துள்ளாரே என கேள்வி எழுப்பியுள்ளனர் நெட்டிசன்கள். மேலும் இது தொடர்பாக இன்று ரஜினியை வைத்து செய்து வருகின்றனர் ரசிகர்கள்.