கடந்த சில வருடங்களாகவே நடிகர் சூர்யா நடிக்கும் திரைப்படங்களுக்கு அவ்வளவாக வரவேற்பு என்பது இல்லாமல்தான் இருந்து வருகிறது. பெரும்பாலும் முன்பு கொடுத்தது போல எந்த ஒரு படமும் சமீபத்தில் அவருக்கு பெரும் வெற்றியை பெற்று தரவில்லை.
இந்த நிலையில் தற்சமயம் ஆர்.ஜே பாலாஜி இயக்கத்தில் சூர்யா நடித்து வந்த திரைப்படம் கருப்பு. இந்த படத்தின் முக்கால்வாசி படப்பிடிப்பு வேலைகள் ஏற்கனவே முடிந்துவிட்டன. அதனை தொடர்ந்து அடுத்து லக்கி பாஸ்கர் படத்தை இயக்கிய வெங்கி அட்லூரி இயக்கத்தில் ஒரு திரைப்படத்தில் சூர்யா நடிக்க இருக்கிறார்.
இந்த திரைப்படம் அவருக்கு நல்ல வரவேற்பை பெற்று தரும் என எதிர்பார்க்கப்படுகிறது. இந்த படத்தில் இவருக்கு ஜோடியாக நடிகை மமிதா பைஜு நடிக்க இருக்கிறார். மேலும் இந்த படத்தில் ரவினா, ராதிகா சரத்குமார் போன்றோர் முக்கிய கதாபாத்திரத்தில் நடிக்க உள்ளனர்
இந்த நிலையில் இந்த படம் குறித்து சுர்யா சமீபத்தில் பேட்டி ஒன்றில் பேசியிருந்தார். அதில் அவர் கூறும்போது அவர் ஒரு பெண்ணை காதலிக்கிறார். அந்த பெண் இறந்துவிடுகிறார். அடுத்து அவரின் உருவத்திலேயே பிறக்கும் அவரின் பெண் மீது இவருக்கு காதல் வருகிறது. இப்படியாக இதன் கதை அமைந்துள்ளதாக கூறப்படுகிறது.
