தமிழ் சினிமாவில் ஆரம்ப காலகட்டங்களில் இருந்து போட்டி நடிகர்களாக இருந்தாலும் கூட இன்னமும் நண்பர்களாக இருந்து வருகின்றனர் ரஜினிகாந்த் மற்றும் கமல்ஹாசன்.
கமல்ஹாசனை பொறுத்தவரை அவரது வாழ்க்கையில் மிக முக்கியமான நபர்கள் என்றால் இயக்குனர் பாலச்சந்தர் மற்றும் நடிகர் ரஜினிகாந்தை கூறலாம்.
இந்த நிலையில் சமீபத்தில் நடிகர் ரஜினிகாந்தை நேரில் சந்தித்திருக்கிறார் கமல்ஹாசன். தற்சமயம் தேர்தலில் நிற்கப்போவது குறித்து அவர் ரஜினிகாந்திடம் பேசி இருப்பதாக பேச்சுக்கள் இருக்கின்றன.
முன்பெல்லாம் இந்த மாதிரியான முக்கியமான விஷயங்கள் நடக்கும் பொழுது நடிகர் கமல்ஹாசன் இதற்காக இயக்குனர் பாலச்சந்தரை நேரில் சென்று சந்திப்பாராம்.
பிறகு பாலச்சந்தரிடம் இதுக்குறித்து ஆலோசனை செய்வாராம் ஆனால் இப்பொழுது பாலச்சந்தர் இல்லாத நிலையில் ரஜினிகாந்திடம் தான் எந்த முக்கிய நிகழ்வுகள் நடந்தாலும் சென்று பேசி வருகிறாராம் கமல்ஹாசன்.
எனவே இப்பொழுது பாலச்சந்தர் இல்லாத குறையை ரஜினிகாந்துதான் தீர்த்து வருகிறார் என்று கூறப்படுகிறது மேலும் இத்தனை வருட போட்டிக்குப் பிறகும் இன்னமும் இவர்கள் இருவருக்குள்ளும் இருக்கும் நட்பு பெரிய விஷயமாக பார்க்கப்படுகிறது.
தமிழ் சினிமாவில் நிறைய நடிகைகளை அறிமுகப்படுத்தியதில் பாரதிராஜா மற்றும் பாலச்சந்தருக்கு முக்கிய பங்கு உண்டு. இவர்கள் இருவருமே நிறைய நடிகர் நடிகைகளை தமிழ் சினிமாவிற்கு அறிமுகப்படுத்தி அவர்களை பிரபலப்படுத்தியும் இருக்கின்றனர்.
நடிகை ரேவதி சுகன்யா மாதிரியான நிறைய நடிகைகள் இவர்கள் இருவரால் அறிமுகப்படுத்தப்பட்டவர்கள் தான். அப்படியாக புது நெல்லு புது நாத்து திரைப்படம் மூலமாக அறிமுகமானவர்தான் நடிகை ருத்ரா.
புது நெல்லு புது நாத்து திரைப்படத்திற்கு பிறகு நிறைய திரைப்படங்களில் நடித்தார் ருத்ரா. அதில் அவருக்கு அதிக பிரபலத்தை பெற்று கொடுத்தது விஜயகாந்த் நடித்த கள்ளழகர் திரைப்படம்.
2007 ஆம் ஆண்டு ஓரம் போ என்கிற திரைப்படத்தில் நடித்தார் ருத்ரா. அதற்குப் பிறகு பெரிதாக திரைப்படங்களில் நடிக்கவில்லை. இந்த நிலையில் ஒரு பேட்டியில் தனது ஆரம்ப கால சினிமா வாழ்க்கை குறித்து அவர் கூறியிருக்கிறார்.
அதில் அவர் கூறும் பொழுது மிக சிறு வயதிலேயே சினிமாவிற்கு நடிக்க வந்துவிட்டேன். அதனால் எனக்கு 20 வயது ஆகும் வரையில் கூட எல்லா படப்பிடிப்புக்கும் எனது அம்மாவும் கூட வருவார். எப்போதுமே பாதுகாப்பாக என்னை பார்த்துக் கொள்வார்.
அதே சமயம் நான் நடிப்பது நன்றாக இருக்கா? இல்லையா? என்று வெளிப்படையாகவே கூறிவிடுவார். ஒருவேளை நான் நடிப்பது நன்றாக இல்லை என்றால் என்னை திட்டுவார். அதனால் எனது அம்மாவின் மூலமாகதான் மிக நன்றாக நடிக்க கத்துக் கொண்டேன் என்று கூறியிருக்கிறார் ருத்ரா.
சமீபத்தில் கே எஸ் ரவிக்குமார் இயக்குனர்களின் சம்பளம் குறித்து சில விஷயங்களை பேசி இருந்தார் அதில் அவர் கூறும் பொழுது முத்து திரைப்படத்தை இயக்கும் பொழுது எனது சம்பளம் கொஞ்சமாக உயர்த்தப்பட்டது.
அதற்கு முன்பு வரை நான் 12 லட்சம் சம்பளமாக வாங்கி வந்தேன். முத்து திரைப்படத்தின் போது ரஜினி சார் என்னிடம் என்ன சம்பளம் வாங்குகிறீர்கள் என்று கேட்டார். நான் 12 லட்சம் என்று கூறினேன்.
உடனே எனக்கு 15 லட்சம் சம்பளம் எழுதி கொடுத்து அதை பாலச்சந்தர் சாரிடம் கொடுங்கள் அவர்களுக்கு இந்த சம்பளத்தை கொடுப்பார் என்று கூறினார். நானும் சரி என்று பாலச்சந்தரிடம் அதைக் கொடுத்தேன்.
இயக்குனர் பாலச்சந்தர்:
அதை பார்த்து பாலச்சந்தர் அதிர்ச்சி அடைந்து விட்டார். என்னய்யா அதுக்குள்ள 15 லட்ச ரூபாய் சம்பளம் கேட்கிற? எத்தனாவது படம் இது உனக்கு என்று என்னிடம் கேட்டார்.
நான் இது 13 வது படம் என்று கூறினேன் 13 வது படத்திற்கே 15 லட்ச ரூபாய் சம்பளம் வாங்குகிறாயா? நான் இதுவரை எக்கச்சக்கமாக படம் எடுத்து விட்டேன். ஆனால் மொத்தமாக 5 லட்ச ரூபாய் கூட நான் சம்பளமாக வாங்கியது கிடையாது என்று அதிர்ச்சியாக கூறினார் பாலச்சந்தர் என்று அந்த விஷயத்தை பகிர்ந்திருக்கிறார் கே.எஸ் ரவிக்குமார்.
ஆனால் இயக்குனர் லோகேஷ் கனகராஜ் தன்னுடைய ஐந்தாவது திரைப்படத்திற்கு 30 கோடிக்கும் அதிகமாக சம்பளம் வாங்கியதாக ஒரு பேச்சு உண்டு. லோகேஷ் கனகராஜை எல்லாம் இப்பொழுது பாலச்சந்தர் இருந்து பார்த்தார் என்றால் அதிர்ச்சியடைந்து விடுவாரோ என்று இது குறித்து பேசி வருகின்றனர்.
தமிழ் சினிமாவில் ஒரு காலத்தில் கொடிகட்டி பறந்த பெரும் நடிகராக இருந்தவர் நடிகர் ஸ்ரீகாந்த். ஸ்ரீகாந்த் நடிப்பில் வெளிவந்த நிறைய திரைப்படங்கள் நல்ல வரவேற்பை பெற்றிருக்கின்றன.
இந்த நிலையில் தொடர்ந்து பிறகு பட வாய்ப்புகளை பெற்ற ஸ்ரீகாந்த் சினிமாவை விட்டு விலகினார். அதற்கு பிறகும் நண்பன் என்ற திரைப்படத்தில் நடித்தார். ஆனால் அந்த திரைப்படத்திற்கு பிறகும் அவ்வளவாக அவருக்கு வரவேற்பு பெற்று தரவில்லை.
இப்பொழுது பேட்டிகளில் பேசிய ஸ்ரீ காந்த் இதுக்குறித்து கூறும் பொழுதே நண்பன் திரைப்படத்தில் நடித்த பிறகு கூட ஏன் மக்கள் என்னை ஏற்றுக் கொள்ளவில்லை என்று எனக்கு தெரியவில்லை. மக்களின் மனதை மட்டும் புரிந்து கொள்ளவே முடியவில்லை.
நண்பன் பட வெற்றி:
நண்பனின் வெற்றிக்கு பிறகு எனக்கு கண்டிப்பாக வாய்ப்பு கிடைத்திருக்க வேண்டும். ஆனால் கிடைக்கவில்லை என்று மனம் நொந்து பேசி இருந்தார் ஸ்ரீகாந்த்.
எங்களுக்குள் ஆயிரம் வழிகள் இருக்கிறது. ஆனால் வெளியில் சொல்வதில்லை என்று கூறிய ஸ்ரீகாந்த், கே பாலச்சந்தர் பற்றிய சில தகவல்களை பகிர்ந்து இருந்தார்.
சினிமாவில் வாய்ப்பு கிடைக்கும் என்று கே.பாலச்சந்தரிடம் நான் சென்ற பொழுது அவர் இயக்கி வந்த சீரியலில் எனக்கு வாய்ப்பு கிடைத்தது. இருந்தாலும் கிடைத்த வாய்ப்பை பயன்படுத்தி கொள்ளலாம் என்று அதில் நடித்து வந்தேன்.
ஸ்ரீகாந்தின் கோரிக்கை:
அதற்கு பிறகு எனக்கு அந்த சீரியலில் நடிக்க பிடிக்கவில்லை எனவே நான் வெளிநாட்டுக்கு போறேன். எனக்கு பிரேம் அடித்து விடுங்கள் என்று பாலச்சந்தரிடம் கூறினேன்.
பிரேம் அடித்து விடுங்கள் என்று கூறினால் அந்த நாடகத்தில் இறந்து விட்டதாக அந்த கதாபாத்திரத்தை முடித்து விடுவார்கள். முதலில் இதற்கு பாலச்சந்தர் ஒப்புக்கொள்ளவில்லை என்றாலும் வெளிநாட்டுக்கு செல்கிறேன் என்பதால் சரி சினிமாவை விட்டு வேற ஏதாவது நல்ல தொழிலுக்கு போ என்று கூறி என்னை அனுப்பி வைத்தார்.
ஆனால் அதற்குப் பிறகும் நான் திரைப்படங்களில்தான் நடித்தேன். இதனால் பாலச்சந்தருக்கு என் மீது கோபம் இருந்தது. அதற்கு பிறகு நான் நடிக்கும் ஒரு திரைப்படத்தை கே பாலசந்தரின் கவிதாலயா பிக்சர்ஸ் தயாரிப்பதற்கான வாய்ப்பு வந்தது.
நான் பாலச்சந்தர் என்னுடைய திரைப்படத்தை தயாரிப்பதை ஒப்புக்கொள்ளவில்லை ஏனெனில் நாடகத்தில் நடித்து கொண்டிருந்த காலகட்டத்தில் எனக்கு ஒன்றரை வருடம் சினிமாவில் நடிக்க வாய்ப்பு தருவதாக கூறி கூறி என்னை ஏமாற்றி வந்தார் பாலச்சந்தர் அதனால் அவருடைய படத்தில் நடிப்பதற்கு எனக்கு விருப்பமில்லை என்று கூறியிருக்கிறார் ஸ்ரீகாந்த்.
தமிழ் சினிமாவில் பிரபலமான நடிகர்களில் முக்கியமானவர் நடிகர் ரஜினிகாந்த். 70 வயதை தாண்டியும் கூட இன்னமும் அவர் ஹிட் படங்களாக கொடுத்து வருகிறார். ஜெயிலர் திரைப்படத்தின் வெற்றியை தொடர்ந்து தற்சமயம் அவர் நடித்து வரும் திரைப்படம் வேட்டையன்.
இந்த திரைப்படத்திற்கு அவ்வளவாக வரவேற்பு இருப்பதாக தெரியவில்லை. ஆனால் அதற்கு பிறகு வரவிருக்கும் கூலி திரைப்படத்திற்கு மக்கள் மத்தியில் எக்கச்சக்கமான வரவேற்பு இருந்து வருகிறது. கூலி திரைப்படத்தை இயக்குனர் லோகேஷ் கனகராஜ் இயக்குகிறார்.
rajinikanth
இந்த நிலையில் ரஜினிகாந்த் ஆரம்பக்கட்டத்தில் சினிமாவிற்கு வந்தப்போது அவர் சந்தித்த பிரச்சனைகள் நிறைய இருந்தன. அதில் முக்கியமான பிரச்சனை என்றால் அது அவரது உச்சரிப்புதான். இப்போது வரையிலுமே ரஜினிகாந்திற்கு தமிழ் உச்சரிப்பு அவ்வளவு சீராக இருக்காது.
மறுத்த ரஜினிகாந்த்:
சினிமாவில் அறிமுகமானப்போது அவருக்கு அது ஒரு பிரச்சனையாக இருந்தது. ஒரு நடிகனுக்கு உச்சரிப்பு ரொம்ப முக்கியம். எனவே சீக்கிரம் தமிழில் நன்றாக பேச கற்றுக்கொள் என பாலச்சந்தர் கூறியிருந்தார். இருந்தாலும் ரஜினிக்கு உச்சரிப்பு சரியாக வராததால் அவருக்கு டப்பிங் வேறொரு ஆள் செய்தால் சரியாக இருக்கும் என பாலச்சந்தர் நினைத்தார்.
ஆனால் நான் உயிரோடு இருக்கும் வரை என் படங்களுக்கு நான் தான் டப்பிங் பேசுவேன் என்று திட்டவட்டமாக கூறிவிட்டார் ரஜினி. அதன் பிறகு ரஜினியின் நடிப்புக்கு முன்னால் அவரது உச்சரிப்பு யாருக்கும் உறுத்தலாக இல்லை. எனவே மக்களே பிறகு அதை கண்டுக்கொள்ளாமல் விட்டனர்.
Balachandar and Vaali : கண்ணதாசனுக்கு பிறகு தமிழ் சினிமாவில் வெகுவாக பாராட்டப்பட்ட ஒரு கவிஞர் என்றால் அது வாலி அவர்கள்தான். கண்ணதாசன் இருந்த சமகாலத்திலேயே அவருக்கு போட்டியாக சினிமாவில் களம் இறங்கி அவருக்கு நிகரான ஒரு இடத்தை பிடித்தவர் கவிஞர் வாலி.
அதே போல கருப்பு வெள்ளை சினிமா காலகட்டத்தில் துவங்கி விஜய் அஜித் கால கட்டம் வரை தொடர்ந்து பாடல் வரிகளை எழுதி வந்தார் வாலி. இதற்கு நடுவே சில திரைப்படங்களில் முக்கியமான கதாபாத்திரத்தில் நடிக்கவும் செய்தார்.
ஹேராம் திரைப்படத்தில் கூட கமல்ஹாசனின் தந்தையாக நடித்திருப்பார் வாலி. இந்த நிலையில் வாலியை நடிப்பின் பக்கம் இழுத்தவர் இயக்குனர் பாலச்சந்தர். பாலச்சந்தரின் ஒரு திரைப்படத்தை இயக்கும் போது அந்த திரைப்படத்தில் வாலிக்கு கதாபாத்திரம் கொடுக்க வேண்டும் என்று நினைத்தார்.
எனவே வாலியை அழைத்து அன்றைய படபிடிப்பை துவங்கினார் படப்பிடிப்பு துவங்கிய உடனே வாலிக்கு நடிக்க வரவில்லை கேமராவை பார்த்தவுடனே ஒரு பதற்றம் அவருக்கு வந்துவிட்டது. இதனை அடுத்து இரண்டு மணி நேரம் நடித்தும் அதில் வாலியின் நடிப்பு சரியாக வரவில்லை.
பிறகு பாலச்சந்தரை அழைத்த வாலி எனக்கு நடிப்பு வராது என்று நினைக்கிறேன். நான் பாடல் வரிகள் எழுதுவதோடு நிறுத்திக் கொள்கிறேன் வேறு யாரையாவது வைத்து படபிடிப்பை நடத்திக் கொள் என்று கூறிவிட்டார். அதற்கு பாலச்சந்தர் நாளையும் நீங்கள் வந்து நடியுங்கள் நாளையும் நீங்கள் ஒழுங்காக நடிக்கவில்லை என்றால் உங்களுக்கு நடிப்பே வரவில்லை என்று நானே ஒப்புக்கொள்கிறேன் என்று கூறிவிட்டார்.
பாலச்சந்தர் இப்படி கூறியது வாலிக்கு அவமானத்தை ஏற்படுத்தியது யாரவது ஒருவர் நமக்கு ஒரு விஷயம் வராது என்று கூறினால்தான் அதை வர வைப்பதற்கு மிகவும் முயற்சி பண்ணுவோம். எனவே பாலச்சந்தரே அப்படி கூறிய பிறகு அதிக முயற்சி செய்து மறுநாள் அந்த காட்சியை நல்லபடியாக நடித்து கொடுத்தார் வாலி.
இதை வாலி பேட்டியில் கூறும் பொழுது பாலச்சந்தர் எப்பொழுது எனது தன்மானத்தில் கை வைத்தாரோ அப்பொழுதுதான் எனக்கு நடிக்க வேண்டும் என்கிற ஆர்வம் வந்தது என கூறி இருக்கிறார்.
Actor Rajinikanth : ரஜினிகாந்த் ஆரம்பகட்டத்தில் சினிமாவிற்கு வந்த பொழுது பாலச்சந்திரிடம் திட்டு வாங்குவது அவருக்கு தினசரி வேலையாக இருந்தது. ஏனெனில் சினிமாவிற்கு வந்த போது ரஜினிக்கு தமிழில் பேச வரவில்லை முதலில் தமிழ் சினிமாவில் நடிப்பதற்காக ரஜினிகாந்த் சினிமாவிற்கு வரவில்லை.
அவர் கன்னட நடிகரான ராஜ்குமாரின் பெரும் ரசிகராக இருந்தார். ரஜினிகாந்த் அவரை போலவே கன்னடத்தில் பெரும் நடிகராக வேண்டும் என்பதற்காக கன்னட பிலிம் இன்ஸ்டிட்யூட்டியில்தான் நடிப்பை கற்க தொடங்கினார். ஆனால் அங்கு ஒரு விஷயமாக வந்த பாலச்சந்தருக்கு ரஜினிகாந்தின் நடிப்பு பிடித்துப் போகவே அவரை தமிழ் சினிமாவிற்கு கொண்டு வந்தார்.
rajinikanth
பாலச்சந்தர் தமிழில் பேசுவது என்பதே கடினமாக இருந்த காரணத்தினால் முதல் படத்தின் போதே வாழ்க்கையை வெறுத்து விட்டார் ரஜினிகாந்த். கே.பாலச்சந்தர் இயக்கிய அபூர்வராகங்கள் திரைப்படத்தில் பாண்டியன் என்கிற கதாபாத்திரத்தை ரஜினிக்கு கொடுத்தப்போது அதில் தமிழில் பேசுவது என்பதுதான் அவருக்கு மிகவும் சிரமமான ஒரு விஷயமாக இருந்தது.
இருந்தாலும் கே.பாலச்சந்தரின் திட்டுகளுக்கு நடுவே அந்த திரைப்படத்தில் நடித்து முடித்தார் ரஜினிகாந்த். அதன் பிறகு திரைப்படம் வெளியான பொழுது மிகவும் கஷ்டப்பட்டு டிக்கெட் வாங்கி படத்திற்கு சென்றார் ரஜினிகாந்த்.
ரஜினிகாந்த் அப்பொழுது தாடி இல்லாமல் இருந்ததால் அவரை யாரும் அடையாளம் கண்டு கொள்ளவில்லை. திரைப்படத்தில் உட்கார்ந்து அவர் படத்தை பார்த்துக் கொண்டிருந்த பொழுது அவருக்கு அருகாமையில் அமர்ந்திருந்த ஒரு சிறுமி அந்த திரைப்படத்தில் நடித்திருப்பதே நீங்கள் தானே அங்கிள் என கேட்டது.
அந்த சிறுமிதான் என்னுடைய முதல் ரசிகை என்று ஒரு பேட்டியில் ரஜினி கூறியிருக்கிறார். ஏனெனில் அந்த மொத்த திரையரங்குகளில் இருந்த வேறு யாருமே ரஜினிகாந்தை அடையாளம் கண்டு கொள்ளாத போது அந்த ஒரு சிறுமி மட்டும் அடையாளம் கண்டு கொண்டது அவருக்கே வியப்பாக இருந்தது என்று கூறுகிறார் ரஜினிகாந்த்.
Tamil Director Balachandar : தமிழில் ரஜினி கமல் போன்ற பெரும் நடிகர்களை பிரபலமாக்கியதில் இயக்குனர் பாலச்சந்தருக்கு முக்கியமான பங்கு உண்டு. அதேபோல நிறைய முக்கியமான புது முகங்களையும் தமிழ் சினிமாவிற்கு இவர் அறிமுகப்படுத்தி இருக்கிறார்.
எந்த ஒரு நடிகரையும் பார்த்தவுடனேயே அவர் சிறப்பாக நடிக்க கூடியவரா என்பதை பாலச்சந்தர் கண்டுபிடித்து விடுவார் முதன் முறையாக ரஜினிகாந்தை பார்த்த போது கூட இவர் பெரிய ஆளாக வருவார் என்று கூறியவர் பாலச்சந்தர்தான்.
அதனால் கமல்ஹாசனும் ரஜினிகாந்தும் சினிமாவில் அவ்வளவு பெரிய ஆளாக இருந்தாலும் கூட பாலச்சந்தரிடம் அவர்கள் அமைதியாக தான் போவார்கள். பெரும் நடிகர்களுக்கே அப்படியான நிலைமை என்னும்போது உதவி இயக்குனர்களின் நிலை நாம் சொல்லி தெரிய வேண்டியது இல்லை.
பொதுவாகவே உதவி இயக்குனர்கள் இயக்குனர்களிடம் திட்டு வாங்கிக் கொண்டுதான் இருப்பார்கள் இந்த நிலையில் இயக்குனர் சுரேஷ் கிருஷ்ணா பாலச்சந்தருக்கும் பெரும் தவறு ஒன்றை செய்தார். பாலச்சந்தர் திரைப்படங்கள் எடுத்துக் கொண்டிருந்த பொழுது அவரிடம் உதவி இயக்குனராக சுரேஷ் கிருஷ்ணா பணியாற்றி வந்தார்.
இந்த சமயத்தில் சுரேஷ் கிருஷ்ணா தனியாக படம் எடுக்க வேண்டும் என்று ஆசைப்பட்ட பொழுது அதை பாலச்சந்திரிடம் கூறாமல் பாலச்சந்தர் மனதில் உறுதி வேண்டும் என்கிற திரைப்படத்தை எடுத்துக் கொண்டிருந்த பொழுது அவரை விட்டு தனியாக சென்று விட்டார் சுரேஷ் கிருஷ்ணா.
சென்றவர் கமல்ஹாசனை வைத்து சத்யா என்கிற திரைப்படத்தை இயக்க திட்டமிட்டு இருந்தார். இந்த படத்திற்கான பூஜையை போடும்பொழுது அதில் கண்டிப்பாக பாலச்சந்தர் இருக்க வேண்டும் என்று ஆசைப்பட்டார் சுரேஷ் கிருஷ்ணா.
ஆனால் அவரை வெகு நேரம் காக்க வைத்த பாலச்சந்தர் அவரை பார்ப்பதற்கு வரவே இல்லை. வெகு நேரம் கழித்து வந்தவர் சுரேஷ் கிருஷ்ணாவை திட்ட தொடங்கினார். ஒரு படத்தின் வேலைகள் நடந்து கொண்டிருக்கும் பொழுது அதை பாதியிலேயே விட்டுவிட்டு மற்றொரு படத்திற்கு செல்வாயா உன் சொந்த படமாகவே இருந்தாலும் இப்பொழுது சத்யா படத்தை இயக்கிக் கொண்டிருக்கும் நீ அடுத்த ரஜினி ஒரு படத்திற்கு அழைத்தால் சத்யா படத்தை பாதியிலேயே விட்டு செல்வாயா இதுதான் ஒரு இயக்குனருக்கு அழகா என்று நேரடியாகவே திட்டிவிட்டார்.
இதனால் மனமுடைந்த சுரேஷ் கிருஷ்ணா பிறகு தனியாக அமர்ந்து கண்ணீர் விட்டு அழுதுள்ளார். அதன் பிறகு பாலச்சந்தரும் சுரேஷ் கிருஷ்ணாவும் ராசியாகி விட்டனர் என்பது குறிப்பிடத்தக்கது ஏனெனில் அண்ணாமலை படத்திற்கான பட வாய்ப்பு சுரேஷ்கிருஷ்ணாவிற்கு பெற்றுக் கொடுத்தவரே பாலச்சந்தர்தான். அதன் பிறகு ரஜினியை வைத்து பாட்ஷா என்னும் மாஸ் ஹிட் படத்தை கொடுத்தார் சுரேஷ் கிருஷ்ணா.
Actor Rajinikanth : தமிழ் சினிமா நடிகர்களிலேயே மிகவும் முக்கியமானவர் நடிகர் ரஜினிகாந்த் ரஜினிகாந்த் நடிக்கும் திரைப்படங்களுக்கு எப்போதுமே மக்கள் மத்தியில் நல்ல வரவேற்பு உண்டு. அதே சமயம் தமிழ் சினிமா ரசிகர்கள் மத்தியில் இன்னொரு பழக்கமும் உண்டு.
எவ்வளவு பெரிய கதாநாயகனாக இருந்தாலும் கூட அவர்கள் திரைப்படம் நன்றாக இல்லை என்னும் பட்சத்தில் அந்த திரைப்படத்தை பார்க்க மாட்டார்கள் ரசிகர்கள். இந்த பயத்தின் காரணமாகவே நடிகர்கள் தொடர்ந்து நல்ல படங்களாக தேர்ந்தெடுத்து நடித்து வருகின்றனர்.இந்த நிலையில் தற்சமயம் ஒரே டேக்கில் ஒரு காட்சியை நடித்துக் காட்டக்கூடியவராக ரஜினிகாந்த் இருந்தாலும் ஆரம்ப காலகட்டங்களில் அவர் அப்படி கிடையாது சினிமாவிற்கு வந்த போது அவருக்கு நேரடியாக சினிமாவிற்கு வர முடியாது முதலில் நடிப்பு கற்றுக்கொள்ள வேண்டும் என்கிற விஷயம் தாமதமாக தான் தெரிந்தது அதன் பிறகு ஒரு பயிற்சி பட்டறையில் சேர்ந்து நடிப்பதற்கு கற்றுக் கொண்டார் ரஜினிகாந்த்.
இந்த நிலையில் தான் அவருக்கு கமல்ஹாசனுடன் அபூர்வ ராகங்கள் என்னும் திரைப்படத்தில் நடிப்பதற்கான வாய்ப்பு கிடைத்தது. அபூர்வ ராகங்கள் திரைப்படத்தில் பாண்டியன் என்னும் கதாபாத்திரத்தில் ரஜினிகாந்த் நடித்தார்.
ரஜினிகாந்திடம் ஒரு நல்ல நடிப்பு திறன் இருப்பதை அப்பொழுது பாலச்சந்தர் அறிந்திருந்தார் ஒரு காட்சியில் கமல்ஹாசன் கையில் சாவியை வைத்து விளையாடிக் கொண்டிருக்கும் பொழுது சாவி கீழே விழும். அப்பொழுது ரஜினியை பார்க்கும் அவர் நீ யார் என்று கேட்கும் பொழுது நான் பைரவியின் கணவன் என்று ரஜினிகாந்த் கூறுவதாக வசனம் ஒன்று இருக்கும்.
இதுதான் முதன் முதலில் ரஜினிக்கு கொடுக்கப்பட்ட வசனம் இந்த வசனத்தை சரியாக பேச வேண்டும் என்பதற்காக வீட்டில் முதல் நாளே அமர்ந்து ஒரு நூறு தடவை அந்த வசனத்தை திரும்பத் திரும்பச் சொல்லிப் பார்த்தார் ரஜினிகாந்த்.
அதன் பிறகு மறுநாள் படப்பிடிப்பிற்கு சென்ற பொழுது பாலச்சந்தரை பார்த்து அவருக்கு ஏற்பட்ட பயத்தின் காரணமாக அந்த ஒரு வசனத்தை கூட தவறாகதான் பேசியிருந்தார் ரஜினிகாந்த். பிறகு இரண்டு மூன்று தடவை அந்த காட்சி எடுக்கப்பட்ட பிறகுதான் ரஜினி சரியாக அந்த வசனத்தை பேசினார்.
கேமராவை விடவும் அப்பொழுது அவர் பாலச்சந்தரை பார்த்துதான் அதிகமாக பயந்ததாக ஒரு பேட்டியில் ரஜினிகாந்த் கூறியிருக்கிறார். ஆனால் அப்படிப்பட்ட உழைப்பு தான் ரஜினிகாந்த் சினிமாவில் பெரும் உயரத்தை தொடுவதற்கு காரணமாக அமைந்தது.
தமிழ் சினிமாவில் பிரபலமாக இருந்த காமெடி நடிகர்களில் முக்கியமானவர் நடிகர் நாகேஷ். ஒரு காமெடி நடிகர் என்பதையும் தாண்டி நாகேஷ் சிறப்பான நடிப்பை வெளிப்படுத்தக் கூடியவர் எனவே பல திரைப்படங்களில் கதாநாயகனுக்கு நண்பன் கதாபாத்திரத்தில் கூட நாகேஷ் நடித்தார்.
அதே சமயம் எவ்வளவிற்கு காமெடியாக நடிக்கிறாரோ அதே அளவு சீரியசான கதாபாத்திரத்திலும் நாகேஷால் நடிக்க முடியும் சில திரைப்படங்களில் கொஞ்சம் சீரியஸான கதாபாத்திரங்களிலும் அவரை பார்க்க முடியும். இந்த நிலையில் இயக்குனர் பாலச்சந்தருக்கு மிகவும் பிடித்த ஒரு நடிகராக எப்போதுமே நாகேஷ் இருந்திருக்கிறார்.
அதற்கு காரணம் என்னவென்றால் நாகேஷின் தனிப்பட்ட நடிப்புதான் நாகேஷை வைத்து படம் இயக்கிய பிறகு கமலை வைத்து அதிக படங்களை இயக்கியிருக்கிறார் பாலச்சந்தர். ஆனால் அவர் ஒருமுறை கூறும் பொழுது நாகேஷ் அளவிற்கான நடிப்பை கமல்ஹாசனிடம் கூட நான் கண்டதில்லை என்று கூறியிருக்கிறார்.
nagesh
பாலச்சந்தர் நாடக கம்பெனி நடத்தி வந்து கொண்டிருந்த காலகட்டத்தில் இருந்தே நாகேஷிற்கும் பாலச்சந்தருக்கும் இடையே நட்பு இருந்து வந்தது பாலச்சந்தரின் நாடகங்களை பார்த்து நாகேஷ் தனக்கு இந்த நாடகங்களில் ஒரு வாய்ப்பு தருமாறு கேட்டுக் கொண்டிருந்தார். ஆனால் அப்பொழுதே நாகேஷ் சினிமாவில் நடிக்க துவங்கியிருந்தார். எனவே பாலச்சந்தர் கூறும் பொழுது உனக்கு முக்கிய கதாபாத்திரம் வைத்து ஒரு கதையை எடுத்து தான் அதில் உன்னை நடிக்க வைக்க வேண்டும்.
இப்போது இருக்கும் கதைகள் உனக்கு சரியாக இருக்காது என்று கூறியிருக்கிறார் இருந்தாலும் நாகேஷ் விடாப்பிடியாக அடுத்த நாடகத்தில் வரும் ஒரு போஸ்ட் மேன் கதாபாத்திரத்தில் தான் நடிப்பதாக கூறினார். ஆனால் அந்த கதாபாத்திரத்திற்கு போஸ்ட் வந்திருக்கிறது என்கிற ஒரே ஒரு டயலாக் தான் பேச வேண்டி இருந்தது.
nagesh
எனவே பாலச்சந்தர் நாகேஷிற்கு ஒரு விதிமுறை வைத்தார் அந்த ஒரு வசனத்தை தவிர வேறு எந்த வசனமும் நாடகத்தில் பேசக்கூடாது என்று கூறி இருந்தார் எனவே நாடகத்தில் நடிக்க சென்ற நாகேஷ் அங்கு போய் தனது உடல் பாவனைகளால் நகைச்சுவை காட்டி விட்டு அதன் பிறகு சார் போஸ்ட் வந்திருக்கு என கூறியுள்ளார்.
இதை பார்த்து அந்த மக்கள் கூட்டம் ஆரவாரம் செய்திருக்கிறது இதை பார்த்த பாலச்சந்தர் இதற்குத்தான் உன்னை இதில் நடிக்க வைக்க மாட்டேன் என்று கூறினேன் என்று கூறியிருக்கிறார் அந்த அளவிற்கு சின்ன கதாபாத்திரமாக வந்தால் கூட மக்கள் மத்தியில் தனக்கான வரவேற்பை உருவாக்கிக் கொள்பவர் நாகேஷ்.
தமிழ் சினிமாவில் இயக்குனர் பாரதிராஜாவிற்கே முன்பே பெரும் இயக்குனராக பார்க்கப்பட்டவர் இயக்குனர் பாலச்சந்தர். பாலச்சந்தர் இயக்கத்தில் தமிழில் வந்த திரைப்படங்களில் பல திரைப்படங்கள் வித்தியாசமான கதையமைப்பில் வந்த திரைப்படங்களாக இருந்தன.
ஒரே மாதிரியான கதையமைப்பில் படம் எடுக்காமல் தொடர்ந்து வித்தியாசமான கதை அம்சத்தில் படம் எடுத்து வந்தார் பாலச்சந்தர். இருந்துமே பாலச்சந்தர் திரைப்படங்களுக்கு மக்கள் மத்தியில் வரவேற்பு அதிகமாகவே இருந்து வந்தன.
இயக்குனர் பாரதிராஜா கூட ஆரம்பத்தில் பாலச்சந்தரிடம்தான் உதவி இயக்குனராக சேர ஆசைப்பட்டார். ரஜினி மற்றும் கமல்ஹாசனை பெரும் நடிகர்களாக்கியதில் பாலச்சந்தருக்கு முக்கிய பங்குண்டு. இயக்குனராக அவரது வேலையில் மிகுந்த கடமையுணர்ச்சி கொண்டவர் பாலச்சந்தர்.
அவரது இயக்கத்தில் 1972 ஆம் ஆண்டு வெளியான திரைப்படம் வெள்ளி விழா. இந்த படத்தில் ஜெமினி கணேசன் மற்றும் வாணி ஸ்ரீ ஆகியோர் முக்கிய கதாபாத்திரத்தில் நடித்திருந்தனர். அந்த படத்திற்காக வாணி ஸ்ரீ மொத்தமே 7 நாட்கள்தான் கால்ஷீட் கொடுத்திருந்தார்.
எனவே அவருக்கான காட்சிகளை அவசர அவசரமாக எடுத்துக்கொண்டிருந்தார் பாலச்சந்தர். இந்த நிலையில் அவருக்கு திடீரென மாரடைப்பு ஏற்பட்டது. இதனால் அவரது முகம் வேர்த்துவிட்டது. இருந்தாலும் முகத்தை துடைத்துக்கொண்டு படப்பிடிப்பை துவங்கியுள்ளார் பாலச்சந்தர்.
ஆனால் சுற்றி உள்ளவர்களுக்கு அவருக்கு ஏதோ உடல்நிலை சரியில்லை என தெரிந்துள்ளது. எனவே அவர்கள் மருத்துவர்களை அழைத்துள்ளனர். அங்கு வந்த மருத்துவர் உடனே மருத்துவமனைக்கு செல்ல வேண்டும் என கூறி பாலச்சந்தரை அழைத்து சென்றுள்ளனர். அந்த அளவிற்கு தொழிலின் மீது பக்தி கொண்டவர் பாலச்சந்தர்.
Actor Mayilsamy : தமிழில் உள்ள காமெடி நடிகர்களில் மயில்சாமி மிகவும் முக்கியமானவர். பல நடிகர்களுடன் இணைந்து மயில்சாமி நிறைய திரைப்படங்களில் காமெடி காட்சிகளில் நடித்திருக்கிறார். முக்கியமாக நடிகர் விவேக் உடன் இணைந்து நிறைய திரைப்படங்களில் நடித்துள்ளார்.
மயில்சாமி தனக்கான ஒரு தனி உடல் பாவனையை கொண்டிருப்பதால் அவரது காமெடிக்கு மக்கள் மத்தியில் நல்ல வரவேற்பு இருந்தது. இந்த நிலையில் மயில்சாமி குறித்து ஒரு தகவலை காமெடி நடிகரான பெஞ்சமின் ஒரு பேட்டியில் கூறியிருந்தார்.
பெஞ்சமின் திருப்பாச்சி திரைப்படத்தில் விஜய்க்கு நண்பராக நடித்திருப்பார். இவர் இயக்குனர் பாலச்சந்தரிடம் நல்ல பழக்கத்தில் இருந்தார். அந்த சமயத்தில் ரஜினி கமல் மாதிரியான பெரும் நடிகர்களே பாலச்சந்தரிடம் கையை கட்டிக் கொண்டுதான் இருப்பார்கள். ஆனால் அவரிடம் மிகவும் உரிமை எடுத்து பழகக் கூடியவராக மயில்சாமி இருந்திருக்கிறார்.
அவர் பாலச்சந்தருக்கு எதிரில் அமர்ந்து மிகவும் சகஜமாக பேசுவார் என்று கூறுகிறார் பெஞ்சமின். இதனால் அதிர்ச்சி அடைந்த பெஞ்சமின் ஒரு முறை இதை மயில்சாமியிடமே நேரடியாக கேட்டு இருக்கிறார். பாலச்சந்தர் எவ்வளவு பெரிய ஆள் நீங்கள் என்ன அவரிடம் சரிக்கு சமமாக அமர்ந்து பேசுகிறீர்கள் என கேட்கும் பொழுது அதற்கு பதில் அளித்த மயில்சாமி பாலச்சந்தருக்கு என்ன கொம்பா முளைத்திருக்கிறது அவரும் ஒரு மனிதர் தானே ஒரு இயக்குனர் தானே என்று சகஜமாக கூறியிருக்கிறார்.
Tamil Cinema News Today – Latest Updates, Reviews,Gossips
