Movie Reviews
இதுதான் ஒரிஜினல் கே.ஜி.எஃப்பா? எப்படி இருக்கு தங்கலான்.. பட விமர்சனம்!.
WhatsApp
Facebook
X
Threads
Instagram
இயக்குனர் பா.ரஞ்சித் இயக்கத்தில் வெளியாகி மக்கள் மத்தியில் அதிக வரவேற்பை பெற்ற திரைப்படம்தான் தங்கலான். தங்கலான் திரைப்படத்தில் மாறுப்பட்ட கதாபாத்திரத்தில் விக்ரம் நடித்துள்ளார். இன்னும் பல முக்கிய நட்சத்திரங்கள் இதில் நடித்துள்ளனர்.
இந்த நிலையில் இந்த படத்தின் கதை மற்றும் சாதகங்கள் பாதகங்களை இப்போது பார்க்கலாம்.
படத்தின் கதை:
படத்தில் சியான் விக்ரம், பார்வதி, மாளவிகா மோகனன், பசுபதி போன்றோர் முக்கிய கதாபாத்திரங்களாக நடித்திருக்கின்றனர். படத்தின் கதைப்படி விக்ரம் மற்றும் அவரை சேர்ந்த பழங்குடியின மக்கள் காலம் காலமாக அடிமையாக வாழ்ந்து வரும் மக்களாக இருந்து வருகின்றனர்.
அவர்கள் போட்டுக்கொள்ள உடை கூட இல்லாமல் கோவணத்தோடு வாழும் மக்களாக இருக்கின்றனர். ஒரு மிராசுதாரரிடம் பண்ணை அடிமைகளாக வாழ்ந்து வருகின்றனர். பண்ணை அடிமைகளுக்கு சம்பளம் என எதுவும் கிடையாது.
சாப்பிட உணவு கிடைக்கும். மிராசுதாரர் நினைத்தால் ஆடை போன்றவற்றை வழங்குவார். இந்த கதை நடப்பது விடுதலை இந்தியாவுக்கு முந்தைய காலக்கட்டத்தில், இந்த நிலையில் ஒரு பிரிட்டிஷ் காரர் இந்த பழங்குடி மக்களிடம் ஒரு ஒப்பந்தம் போடுகிறார்.
அதாவது கே.ஜி.எஃப்பில் இருக்கும் தங்கத்தை எடுக்க இவர்கள் உதவ வேண்டும். அதற்கு மாதா மாதம் அவர்களுக்கு சம்பளமும் சுகப்போகமான வாழ்க்கையும் கிடைக்கும் என கூறுகிறார் அந்த பிரிட்டிஷார். ஆனால் தங்கத்தை எடுக்க ஒரு பெரிய பயணத்தை செய்ய வேண்டும்.
இதற்கு நடுவே ஆரத்தி என்கிற சூனிய காரி ஒருவள் செல்லும் வழியில் இருப்பாள். அவளை கடந்தால்தான் தங்கத்தை அடைய முடியும். இந்த நிலையில் அடுத்தக்கட்டமாக விக்ரம் என்னவெல்லாம் செய்ய போகிறார் என்பதுதான் கதையாக இருக்கிறது.
சாதகமான விஷயங்கள்:
படத்தில் மேக்கப் ரகளையாக செய்யப்பட்டுள்ளது. விக்ரம், மாளவிகா மோகனன் என யாருமே பார்ப்பதற்கு நிஜத்தில் எப்படி இருப்பார்களோ அப்படி இல்லை. தத்ரூபமான மேக்கப்பாக இருந்தது.
அதே போல படத்தில் ஆர்ட் ட்ரைக்ஷனும் நன்றாக இருந்தது. உண்மையிலேயே நம்மை பழங்காலத்துக்கு அழைத்து சென்றது போன்ற மனநிலையை ஏற்படுத்துகிறது.
ஜிவி பிரகாஷின் பிண்ணனி இசை நன்றாகவே இருந்தது. ஆனால் கேப்டன் மில்லர், சூரறை போற்று, ஆடுகளம் அளவிற்கு சிறப்பாக இருப்பதாக தோன்றவில்லை.
பாதகங்கள்:
இந்த திரைப்படம் குடும்பமாக சென்று பார்க்க எந்த அளவிற்கு ஏதுவான படமாக இருக்கும் என தெரியவில்லை. அதே சமயம் குழந்தைகளை அழைத்து கொண்டு இந்த படத்திற்கு செல்ல முடியாது என்கிற நிலை இருக்கிறது.
இந்த நிலையில் படம் நல்ல வெற்றியை கொடுக்குமா என்பதை காலம்தான் முடிவு செய்ய வேண்டும்.
