க்ரைம் திரைப்படங்களுக்கு இருப்பதை போலவே காதல் திரைப்படங்களுக்கும் கூட மக்கள் மத்தியில் அதிக வரவேற்பு இருந்து வருகிறது. இருந்தும் ஏனோ தமிழ் சினிமாவில் பெரிய ஹீரோக்கள் காதல் திரைப்படங்களில் நடிப்பதில்லை.
இருந்தாலும் மக்கள் காதல் திரைப்படங்களை அதிகமாக விரும்புகின்றனர். அப்படியாக தற்சமயம் தமிழில் வந்து சிறப்பான வெற்றியை கொடுத்த திரைப்படம்தான் ப்ரேமலு. இந்த திரைப்படத்தில் மமிதா பைஜு மற்றும் நெல்சன் கே கஃபூர் ஆகியோர் முக்கிய கதாபாத்திரத்தில் நடித்திருந்தனர்.
வாழ்க்கையில் செட்டில் ஆன தன்னை விட அதிக வயதுள்ள பையனை திருமணம் செய்ய வேண்டும் என்கிற மனநிலையில் இருக்கும் கதாநாயகி. ஆனால் கதாநாயகியை விட ஒரு வயது குறைவாக அதே சமயம் இன்னும் செட்டில் ஆகாத ஹீரோ இவர்கள் இருவருக்கும் இடையே எப்படி காதல் ஏற்படப்போகிறது என்பதே கதை.
இந்த படத்தின் க்ளைமேக்ஸில் கதாநாயகன் கதாநாயகியை பிரிந்து வெளிநாட்டிற்கு படிக்க செல்வதாக கதை முடியும். அதற்கு பிறகு என்ன நடந்தது என்பதை கதைக்களமாக கொண்டு இந்த படத்தின் இரண்டாம் பாகத்தை இயக்க திட்டமிட்டுள்ளனர்.
மற்ற திரைப்படங்களை விடவும் இந்த படத்தில் மமிதா பைஜு மிக அழகாக இருந்தார். எனவே அவருக்காகவே அடுத்த பாகத்திற்காக காத்துள்ளனர் ரசிகர்கள்.
