திருட்டுத்தனம் பண்ணிதான் முதல் வாய்ப்பே கிடைச்சது!.. பாக்கியராஜ் வாழ்வில் நடந்த சம்பவம்!..

Director Bhagyaraj : தமிழ் சினிமாவில் குடும்ப ரசிகர்களுக்கு பிடித்த இயக்குனர்களில் முக்கியமானவர் இயக்குனர் பாக்கியராஜ். பாக்கியராஜ் நடிக்கும் திரைப்படங்கள் பெரும்பாலும் பெண்களுக்கு பிடித்த படமாக இருந்தன. இதனால் இவருக்கு வெகுவாக பெண் ரசிகர்கள் இருந்தனர்.

அப்போதெல்லாம் பல பிரபலங்கள் சாதாரண குடும்பத்தில் பிறந்து சினிமாவில் வாய்ப்பை பெற்று உயர்ந்தவர்களாகவே இருந்தனர். அந்த வகையில் இயக்குனர் பாக்கியராஜும் சாதாரண குடும்பத்தில் பிறந்து சினிமாவில் வாய்ப்பை தேடி வந்தார்.

சென்னை வந்தப்போதுதான் படம் இயக்குவது சாமானியமான காரியமில்லை என்பதை புரிந்துக்கொண்டார் பாக்கியராஜ். இந்த சமயத்தில்தான் எழுத்தாளர் தூயவனிடம் திரைக்கதை எழுதுவதற்கு இவருக்கு வாய்ப்பு கிடைத்தது.

அந்த சமயத்தில் எல்லாம் இயக்குனரிடம் கதை மட்டும்தான் இருக்கும். அதை எழுத்தாளரிடம் கொடுப்பார்கள். எழுத்தாளர்கள்தான் அதை திரைக்கதையாக மாற்றுவார்கள். இந்த நிலையில் இயக்குனர் ஜி ராமகிருஷ்ணன் தூயவனிடம் திரைக்கதை எழுதி கேட்டிருந்தார்.

ஆனால் தூயவன் அதிக வேலை பழுவில் இருந்தார். எனவே அவர் பாக்கியராஜை திரைக்கதை எழுதச்சொன்னார். ஆனால் இயக்குனர் கேட்டால் தூயவன் எழுதியதாக கூற வேண்டும் என்றும் கூறினார். அதனையடுத்து திரைக்கதை எழுதிய பாக்கியராஜும் அதே போலவே இயக்குனர் ஜி ராமகிருஷ்ணனிடம் அந்த திரைக்கதை தூயவன் எழுதி கொடுத்தது என்றே கூறினார்.

ஆனால் எழுத்தை பார்த்ததுமே அது தூயவன் எழுதியது இல்லை என்பதை ஜி ராம கிருஷ்ணன் அறிந்துக்கொண்டார். எனவே தூயவனிடம் பேசி பாக்கியராஜை அவரது படத்தில் வேலை செய்ய அழைத்து சென்றார். ஆனால் அந்த படம் இரண்டாம் நாளே தடைப்பட்டது. ஆனால் அந்த படம் மூலம்தான் பாரதிராஜாவிடம் வாய்ப்பை பெற்றுள்ளார் பாரதிராஜா.