இளையராஜாவிற்கு செய்ததை ஏன் கேப்டனுக்கு செய்யலை!.. வடிவேலு செயலால் கடுப்பான ரசிகர்கள்!..

Ilayaraja and Vadivelu: தமிழ் சினிமாவில் பெரும் வள்ளலாகவும் மக்களால் பெரிதாக ரசிக்கப்படும் தலைவராகவும் அறியப்படுபவர் நடிகர் விஜயகாந்த். கடந்த இரண்டு தலைமுறை மக்களிடம் பெரிதாக பிரபலமாகும் அளவிற்கு  இவர் படங்கள் நடிக்காமல் இருந்தாலும் கூட விஜயகாந்திற்காக கூடிய கூட்டம் இப்போது உள்ள பிரபலங்கள் கூட எதிர்பார்க்காத ஒன்று.

தூரத்து இடி முழக்கம் என்னும் திரைப்படம் மூலமாக தமிழ் சினிமாவிற்கு அறிமுகமானவர் நடிகர் விஜயகாந்த். விஜயகாந்த் திரைப்படங்களுக்கு எக்கச்சக்கமான வரவேற்பு கிடைத்தது. அதனை தொடர்ந்து தமிழின் டாப் நடிகரானார் விஜயகாந்த்.

இந்த நிலையில்தான் நடிகர் வடிவேலு தமிழ் சினிமாவில் அறிமுகமாகி கஷ்டப்பட்டு வாய்ப்புகள் வாங்கி வந்தார். அந்த சமயத்தில் விஜயகாந்துதான் வடிவேலுவிற்கு கை கொடுத்தார். அவருக்கு போடுவதற்கு ஆடைகள் வாங்கி கொடுப்பதில் துவங்கி அவர் சம்பளத்தை உயர்த்தி கொடுப்பது வரை பல உதவிகளை செய்தார் விஜயகாந்த்.

விஜயகாந்த் தொடர்ந்து பல உதவிகளை செய்தப்போதும் கூட தேர்தல் வந்த சமயத்தில் வடிவேலு விஜயகாந்திற்கு எதிராக பல விஷயங்களை பேசினார். மேலும் விஜயகாந்த் காலமானப்போது அவரை குறித்து ஒரு இரங்கல் கூட வடிவேலு தெரிவிக்கவில்லை.

இந்த நிலையில் தற்சமயம் இளையராஜாவின் மகள் பவதாரணி இறப்பிற்கு தனது வருத்தத்தை தெர்வித்துள்ளார் வடிவேலு. இதே போல சமூக வலைத்தளங்களில் விஜயகாந்தின் இறப்பு குறித்து பதிவிட்டிருக்கலாமே என ரசிகர்கள் தற்சமயம் கேள்வி எழுப்பி வருகின்றனர். இப்படிப்பட்ட ஒருவரை புறக்கணித்ததன் காரணமாக மக்களுக்கு வடிவேலு மீது அதிருப்தி அதிகரித்து வருகிறது.