மயங்கி விழுந்தா தண்ணீர் தெளிச்சு எழுப்புவேன்!.. வடிவுக்கரசியை கொடுமை செய்த டிவி இயக்குனர்.

தமிழ் சினிமாவில் வெகு காலங்களாக பிரபலமாக இருந்து வரும் நடிகைகளில் முக்கியமானவர் நடிகை வடிவுக்கரசி. தமிழ் சினிமாவில் சின்ன கதாபாத்திரங்களில் நடிக்க துவங்கி அதன் பிறகு கதாநாயகியாக நடிக்க துவங்கினார்.

அதற்கு பிறகு அவரது உடல் எடை அதிகரித்ததன் காரணமாக அவரால் கதாநாயகியாக நடிக்க முடியவில்லை. அதனை தொடர்ந்து அத்தை, அம்மா போன்ற கதாபாத்திரங்களில் நடிக்க துவங்கினார்.

விஜயசாந்தி தமிழ் சினிமாவில் கதாநாயகியான சம காலத்தில்தான் வடிவுக்கரசியும் கதாநாயகியானார். ஆனால் சில காலங்களுக்கு பிறகு ஒரு தெலுங்கு படத்தில் இவரே விஜயசாந்திக்கு அம்மாவாக மாமியாராக நடித்தார்.

வெள்ளித்திரையில் எந்த அளவிற்கு நடித்துள்ளாரோ அதே அளவிற்கு சின்ன திரையிலும் அதிக கதைகளில் நடித்துள்ளார் வடிவுக்கரசி. சமீபத்தில் தனது சின்னத்திரை அனுபவங்கள் குறித்து ஒரு பேட்டியில் அவர் பகிர்ந்திருந்தார். அதில் கூறும்போது

தமிழ் சினிமா என்பது நம் சொந்த வீடு போல அங்கு எல்லாமே நமக்கு பிடித்த வகையில் இருக்கும். ஆனால் நாடகங்கள் அப்படி கிடையாது. நாடகத்தை பொறுத்தவரை அதிக காட்சிகளை ஒரே நாளில் படமாக்குவார்கள். சில நாட்களில் 60 பக்க சீனை நடிக்க சொல்லி எனக்கு கூறுவார்கள்.

சார் மயங்கி விழுந்துவிட்டேன் என்றால் என்ன சார் செய்வது என நான் கேட்பேன். அதற்கு இயக்குனர் மயங்கி விழுந்தா தண்ணீர் தெளிச்சு எழுப்பி நடிக்க வைக்கிறேன் என கூறுவார். அந்த மாதிரியான சம்பவங்கள் எல்லாம் சின்ன திரையில் நடக்கும் என கூறியுள்ளார் வடிவுக்கரசி.