சினிமா துறையில் பெண்களுக்கு எதிராக பல அநீதிகள் நடந்து வரும் நிலையில், தற்போது பல நடிகர்களும், நடிகைகளும் அதற்கு குரல் கொடுத்து வருகிறார்கள்.
ஹேமா கமிட்டியின் மூலம் வெளிவந்த பல பிரச்சனைகள் குறித்து தமிழ் சினிமா துறையில் இருக்கும் நடிகர்களிடமும், நடிகைகளிடமும் இது குறித்து பத்திரிகையாளர்கள் கேள்வி கேட்கும் போது அவர்கள் கொடுக்கும் தகவலானது பல சர்ச்சைகளை ஏற்படுத்தி வருகிறது. அந்த வகையில் சமீபத்தில் இதுகுறித்து பத்திரிக்கையாளர்கள் விஷாலிடம் கேட்கும் போது அவர் கொடுத்த தகவலால் பல நடிகைகளும் கடுப்பாகி அதற்கு பதிலடி கொடுத்து வருவது சமூக வலைத்தளங்களில் வைரலாகி வருகிறது.
சினிமா துறையில் பெண்களுக்கு எதிராக நடக்கும் அநீதி
எந்த துறையாக இருந்தாலும் தற்போது பெண்களுக்கு பாதுகாப்பு இல்லாத நிலையில் நாட்டின் பல்வேறு இடங்களிலும் பல்வேறு வன்முறைகள் நடந்து கொண்டு இருக்கிறது.
இதற்கு சினிமா மட்டும் விதிவிலக்கா என்ன? என்று கூறும் படியாக தற்போது சினிமா துறையில் உள்ள நடிகைகளுக்கு ஏற்படும் பிரச்சனை என்பது நாளுக்கு நாள் அதிகரித்துக் கொண்டு இருக்கிறது.
சில வருடங்களுக்கு முன்பு கேரளா நடிகை ஒருவர் காரில் கடத்தப்பட்டு வன்முறைக்கு உள்ளாக்கப்பட்ட சம்பவத்தை தொடர்ந்து, கேரளா அரசு ஹேமா கமிட்டி என்ற குழுவை அமைத்து அதன் மூலம் நடிகைகளுக்கு நடைபெறும் குற்றங்களை பதிவு செய்து வந்தது. தற்சமயம் கேரள கமிட்டியின் மூலம் வெளியிட்டுள்ள அறிக்கையில் பல திடுக்கிடும் தகவல்கள் வெளிவந்து ஒட்டுமொத்த இந்திய சினிமா துறையையும் கதிகலங்க வைத்திருக்கிறது.
இதுகுறித்து பல்வேறு நடிகர்களும், நடிகைகளும் கருத்து தெரிவித்து வரும் நிலையில் தற்போது விஷால் கூறி இருக்கும் தகவலுக்கு நடிகை விசித்ரா கூறிய பதிலடி பார்க்கலாம்
விஷால் VS விசித்ரா
நடிகைகளுக்கு சினிமா துறையில் ஏற்படும் வன்முறைக்கு நீங்கள் என்ன கூற விரும்புகிறீர்கள் என பத்திரிக்கையாளர்கள்கேட்டதற்கு.. விஷால் கூறியது, “நடிகைகளை தவறாக அழைக்கும் நபர்களுக்கு அவர்கள் செருப்பைக் கொண்டு அடிக்க வேண்டும்” என கூறியிருந்தார்.
இந்நிலையில் இதற்கு விசித்ரா “ஒரு சினிமா துறையில் அறிமுகமாகும் புதுமுக நடிகையை மற்ற நபர்கள் பாலியல் ரீதியாக அணுகும் போது அவர் அனைவருக்கும் முன்பு அவரை செருப்பால் அடித்தால் அடுத்தது அந்த பெண்ணிற்கு யார் பாதுகாப்பு கொடுப்பார்” நடிகர் சங்கத்தில் இருக்கும் இவர் வந்து “அந்த பெண்ணின் படப்பிடிப்பு முடியும் வரை உடன் இருப்பாரா. அந்த நடிகையின் எதிர்கால வாழ்க்கை என்ன ஆகுவது” என கேள்வி கேட்டிருக்கிறார்.
மேலும் விசித்ராவிடம் பத்திரிக்கையாளர்கள் உங்களுக்கு சப்போர்ட் செய்து தானே அவர் பேசினார் ஏன் இவ்வாறு கூறுகிறீர்கள்? என கேட்டதற்கு. எனக்கு “பாலக்காட்டில் அவ்வாறு ஒரு சம்பவம் நடக்கும்போது நான் அனைவரையும் அழைத்துக் கொண்டு நடந்துவற்றை காமிக்கும் போதே எனக்கு எதுவும் நியாயம் கிடைக்கவில்லை ” அவ்வாறு இருக்கும்போது நடிகைகள் செருப்பைக் கொண்டு அடித்தால் அந்தப் பெண்கள் அடுத்து எதிர்காலத்தில் இந்த துறையில் எவ்வாறு நிலைத்திருப்பார்கள் என்ற கேள்வியை அவர் முன் வைத்திருக்கிறார்.
மேலும் விஷால் நடிகைகளை “சில உப்புமா கம்பெனிகள் ஏமாற்றுகிறார்கள் ” எனக் கூறினார். இதற்கு விசித்ரா பதிலடி கொடுக்கும் விதமாக ” பொதுவாக எல்லா நிறுவனங்களையும் உப்புமா கம்பெனி என்று கூறக்கூடாது ” ஏனென்றால் அந்த உப்புமா கம்பெனிதான் என்னைப் போன்ற நடிகைகளை வளர்த்து விட்டது.. அஜித் போன்ற முன்னணி நடிகையை வளர்த்து விட்டது என்ற கருத்தை அவர் தெரிவித்திருக்கிறார்.
