திட்டி தீர்த்த அண்ணனுக்கு அன்பை பொழிந்த தம்பி… சீமான் பேச்சுக்கு விஜய் கொடுத்த பதில்..!

விஜய் அரசியல் கட்சி துவங்கியது முதலே அவரது அரசியல் நகர்வுகள் குறித்து தொடர்ந்து மக்கள் மத்தியில் எதிர்பார்ப்புகள் இருந்து வருகின்றன. அதற்கு தகுந்தார் போல விக்கிரவாண்டியில் மாநாடு நடத்திய விஜய் அதில் பேசிய விஷயங்கள் பலவும் சர்ச்சையை ஏற்படுத்தின.

பெரும்பாலும் இசை வெளியீட்டு விழாக்களில் கூட விஜய் சர்ச்சையை ஏற்படுத்தும் வகையில் பேசி பார்க்க முடியாது அப்படி இருக்கும்பொழுது இந்த மாநாட்டில் பலரும் எதிர்பார்க்காத வகையில் இருந்தது விஜயின் பேச்சு.

ஒரு பக்கம் மக்கள் மத்தியில் அது வரவேற்பை ஏற்படுத்தியிருந்தாலும் கூட அரசியல் கட்சிகள் மத்தியில் அது சர்ச்சையை ஏற்படுத்தியிருந்தது. இந்த நிலையில் இதற்கு பதில் அளித்த சீமான் மிகவும் கடுமையாக விஜய்யை தாக்கி பேசியிருந்தார்.

விஜய்யின் பதில் நடவடிக்கை:

அதில் அவர் பேசும் பொழுது தமிழ் தேசியம் மற்றும் திராவிடம் இரண்டும் தன்னுடைய இரு கண்கள் என்று விஜய் கூறியிருந்தார். அதை விமர்சித்த சீமான் ஒன்று சாலையில் இந்த பக்கம் நிற்க வேண்டும் அல்லது அந்த பக்கம் நிற்க வேண்டும் நடுவில் நின்றால் லாரி ஏரி விபத்து தான் ஏற்படும் என்று விமர்சித்திருந்தார்.

ஆனாலும் கூட அதற்கு எதிர்வினை ஆற்றாத விஜய் தனது ரசிகர்களுக்கு சீமானை விமர்சிக்க வேண்டாம் என்று கேட்டுக் கொண்டிருந்தார். மேலும் சமீபத்தில் சீமானுக்கு பிறந்தநாள் வந்த நிலையில் சீமானுக்கு வாழ்த்துக்கள் கூறி பதிவு ஒன்றையும் வெளியிட்டிருந்தார் விஜய்.

விஜய் மேடையில் பேசும் பொழுது வெறுப்பு அரசியலை விதைப்பது நம்முடைய நோக்கம் கிடையாது அதை நாம் எப்பொழுதும் செய்யப்போவதும் இல்லை என்று கூறியிருந்தார். அந்த பேச்சுக்கு தகுந்தவாறு எந்த ஒரு அரசியல் தலைவர்களிடமும் பெரிதாக வெறுப்பு காட்டாமல் இருந்து வருகிறார் விஜய்.