என்னது ரஜினி தாக்கப்பட்டாரா!.. விஜய் சொன்ன குட்டி ஸ்டோரிக்கு இதுதான் அர்த்தமாம்!..

Leo success meet : தமிழ் சினிமாவில் ரஜினி மற்றும் விஜய்க்கு இடையேயான போட்டி வெகு நாட்களாக சென்று கொண்டுள்ளது. இந்த பிரச்சனை முதன்முதலாக வாரிசு திரைப்படத்தின் இசை வெளியீட்டு விழாவில் துவங்கியது.

வாரிசு படத்தின் இசை வெளியீட்டு விழாவில் சரத்குமார் விஜய்தான் அடுத்த சூப்பர் ஸ்டார் என்று கூறிவிட்டார். அதனைத் தொடர்ந்து ரஜினியும் விஜய்க்கு எதிராக ஜெயிலர் திரைப்படத்தில் பெயரை தூக்க நாலு பேரு என்று பாடல் வரிகளை வைத்துள்ளார். அதோடு இல்லாமல் அடுத்து ஜெயிலர் வெற்றி விழாவில் பேசும் பொழுது ஒரு கழுகு காக்கா கதையை கூறி இன்னும் சர்ச்சையை கிளப்பி விட்டிருந்தார்.

இந்நிலையில் லியோ திரைப்படத்தின் வெற்றி விழாவில் பேசிய விஜய் ஒரு குட்டி கதையை கூறினார். ஒரு முயலை தாக்கி வெற்றி பெறுவதை விட ஒரு யானைக்கு குறி வைத்து தோல்வி அடைந்தாலும் அது பெரும் வெற்றி தான் என்று கூறியுள்ளார். எனவே இலக்குகள் எப்போதும் பெரிதாக இருக்க வேண்டும் என்று விஜய் கூறினார்.

அவர் அந்த யானை என்று குறிப்பிட்டது ரஜினியைதான் என்று ரசிகர்கள் கூறுகின்றனர். அதாவது லியோ திரைப்படம் ஜெயிலரின் வசூலை தாண்ட வேண்டும் என்ற கணக்கில் வெளியானது. ஆனால் அதனால் ஜெயிலரின் வசூலை தாண்ட முடியவில்லை. எனவே யானைக்கு குறி வைத்து தோற்றாலும் அது வெற்றி தான் என்று விஜய் கூறியது இதை தான் என்று கூறுகின்றனர் ரசிகர்கள்.