தமிழில் எல்லா காலகட்டங்களிலும் மக்கள் மத்தியில் வரவேற்பை பெற்றிருக்கும் இயக்குனர்களில் முக்கியமானவர் மணிரத்தினம். மணிரத்தினம் எப்போது படம் இயக்கினாலும் அந்த திரைப்படத்திற்கு மக்கள் மத்தியில் வரவேற்பு இருந்து கொண்டுதான் இருக்கும். திரைப்படம் எடுக்கும் அவரது விதம் புதுமையானதாக இருப்பதால் அது மக்கள் மத்தியில் பெரிதும் வரவேற்பை பெறுகிறது.
மணிரத்தினம் இயக்கிய திரைப்படங்களில் அவருக்கு பெரும் அங்கீகாரத்தைப் பெற்றுக் கொடுத்த திரைப்படம் கமல்ஹாசன் நடித்த நாயகன். நாயகன் திரைப்படத்தை மிகவும் அதிக பட்ஜெட்டில் படமாக்கினார் மணிரத்தினம்.
ஆனால் அந்த திரைப்படம் வெளியான போது எதிர்பார்த்த அளவிலான வெற்றியை தரவில்லை. பல காலங்கள் கழித்துதான் மக்கள் மத்தியில் பிரபலமான ஒரு திரைப்படமாக நாயகன் திரைப்படம் ஆனது. பொதுவாக நாயகன் படம் பற்றி கூறும்பொழுது அப்பொழுது அதே தேதியில் வெளியான மனிதன் என்கிற ரஜினி திரைப்படம்தான் அதிகமான வசூலை கொடுத்தது அதனால்தான் நாயகன் திரைப்படம் ஓடவில்லை என்று ஒரு பேச்சு உண்டு.
21 அக்டோபர் 1987-ல் தான் இந்த இரண்டு திரைப்படங்களும் வெளியாகின ஆனால் உண்மையில் இந்த இரண்டு திரைப்படங்களுமே நல்ல வசூலை பெறவில்லை. ஏனெனில் இந்த இரண்டு திரைப்படங்ளோடு போட்டி போட்டு இன்னொரு திரைப்படம் வெளியாகி இருந்தது.
அதுதான் சட்டம் ஒரு விளையாட்டு என்கிற விஜயகாந்த் திரைப்படம். எஸ்.ஏ சந்திரசேகர் இயக்கத்தில் வெளியான இந்த திரைப்படம் அப்போது வெளியான ரஜினி கமல் இருவரின் திரைப்படத்தை விட அதிக வசூலை தந்தது என கூறப்படுகிறது. அப்போது எஸ்.ஏ சந்திரசேகர் மிகவும் பிரபலமான ஒரு இயக்குனராக இருந்தார்.
அவர் இயக்கிய சட்டம் ஒரு இருட்டறை என்கிற திரைப்படம் கிட்டத்தட்ட 4 மொழிகளில் ரீமேக் செய்யப்பட்டது அந்த அளவிற்கு வெற்றி படங்களை எடுத்து வந்தவர் எஸ்.ஏ சந்திரசேகர். எனவே சந்திரசேகர் விஜயகாந்த் கூட்டணி என்றாலே அதை பார்க்க மக்கள் கூடிவிடுவார்கள் இதனால் சட்டம் ஒரு விளையாட்டு ரஜினி கமல் திரைப்படங்களை விட அதிக வசூலை செய்திருக்கிறது. நாயகன் திரைப்படத்திற்கு இரு நாட்கள் முன்பே உழவன் மகன் என்ற மற்றொரு விஜயகாந்த் படமும் வெளியானது. ஆனால் நாயகன் படத்திற்கு போட்டியாக வெளியான படம் சட்டம் ஒரு விளையாட்டு திரைப்படம்தான்…
