Actor Ajith: தமிழில் உள்ள முக்கியமான நடிகர்களில் தல அஜித்தும் முக்கிய இடத்தில் இருக்கிறார். பெரும்பான்மையான ரசிகப்பட்டாளத்தை கொண்டிருக்கும் அஜித் தற்சமயம் விடாமுயற்சி திரைப்படத்தில் நடித்து வருகிறார். வெகு நாட்களாகவே விடாமுயற்சி திரைப்படத்தின் படப்பிடிப்புகள் சென்று கொண்டிருக்கின்றன. இதற்கிடையே நேற்று அஜித் ஏதோ காரணங்களால் மருத்துவமனையில் அனுமதிக்கப்பட்டதாக பேச்சுக்கள் வந்தன.
ஏன் அஜித் திடீரென்று மருத்துவமனையில் அனுமதிக்கப்பட்டிருக்கிறார் என்று பலவாறு பேச்சுக்கள் இருந்து வருகின்றன. இதனை அடுத்து அவருக்கு மூளையில் அறுவை சிகிச்சை செய்யப்படுவதாக பேச்சுக்கள் வந்தன. அதனால் அஜித் ரசிகர்கள் பலரும் கவலையில் இருந்தனர். அஜித் ஏற்கனவே பலமுறை மருத்துவமனையில் அறுவை சிகிச்சை பெற்று இருக்கிறார்.
கார் ரேஸ் போன்றவற்றில் கவனம் செலுத்தி வந்த காலகட்டத்தில் நிறைய முறை அடிபட்டு மருத்துவமனைக்கு சென்று இருக்கிறார் அஜித். ஆனால் இப்பொழுது மீண்டும் அவர் மூளை அறுவை சிகிச்சைக்காக போயிருப்பது உண்மை தானா என்பது பலருக்கும் குழப்பமான விஷயமாக இருந்தது.
செய்தி உண்மைதானா?
இந்த நிலையில் இதுக்குறித்து குமுதம் பத்திரிக்கை சில அதிகாரப்பூர்வமான தகவல்களை வெளியிட்டிருக்கிறது. அதன்படி 50 வயதுக்கு மேற்பட்டவர்களுக்கு நரம்புகளில் அடைப்பு ஏற்படுவதற்கான வாய்ப்புகள் அதிகமாக இருப்பதால் அதற்கான பரிசோதனை செய்து கொள்வதற்கான வசதி பல மருத்துவமனைகளில் உண்டு.
நடிகர் அஜித் 50 வயதை கடந்துள்ள நிலையில் தனக்கு இந்த மாதிரியான அடைப்புகள் வருவதற்கு வாய்ப்பு இருக்கிறதா? என்பதை அறிவதற்காக பரிசோதனைக்கு சென்று இருந்தார். அவரது நெருங்கிய நண்பர்கள் ஏற்கனவே இந்த மாதிரியான பிரச்சனையால் இறப்பை சந்தித்துள்ளதால் இந்த முடிவுக்கு வந்திருக்கிறார் அஜித்.
இப்படி பரிசோதனை செய்யும் பொழுது அவரது காதிலிருந்து மூளைக்கு செல்லும் நரம்பு ஒன்றில் அடைப்பு ஏற்படுவதற்கான வாய்ப்புகள் இருப்பதை மருத்துவர்கள் கண்டறிந்துள்ளனர். அதனை அடுத்து ஒரு 20 நிமிட சிகிச்சை அஜித்துக்கு நடைபெற்று இருக்கிறது. இந்த நிலையில் நாளை அஜித் மருத்துவமனையில் இருந்து வந்து விடுவார் என்று கூறப்படுகிறது. எனவே அஜித்திற்கு மூளை அறுவை சிகிச்சை செய்தது உண்மைதான் என்பது இந்த தகவலின் மூலம் உறுதியாகிறது.
