Sarathkumar and Nayanthara: தமிழ் சினிமாவில் வெகு காலங்களாக கதாநாயகர்களாக நடித்து வந்தவர்களில் முக்கியமானவர் நடிகர் சரத்குமார். விஜயகாந்த் தமிழ் சினிமாவில் அறிமுகமாகி வளர்ந்து வந்த அதே காலகட்டத்தில்தான் சரத்குமார் தமிழ் சினிமாவிற்கு அறிமுகமானார்.
அறிமுகமான புதிதில் வில்லனாக அறிமுகமான சரத்குமார் பிறகு ஹீரோவாக நடிக்க துவங்கினார். அவரை கதாநாயகனாக மக்களும் ஏற்றுக்கொள்ள துவங்கினர். விஜயகாந்த் திரைப்படத்திலேயே பார்க்கும் பொழுது புலன் விசாரணை திரைப்படத்தில் வில்லனாக இருக்கும் அதே சரத்குமார் கேப்டன் பிரபாகரன் திரைப்படத்தில் விஜயகாந்தின் நண்பனாக நடித்திருப்பதை பார்க்க முடியும்.
இப்படியாக சரத்குமார் அடைந்த வளர்ச்சி பெரிது. பொன்னியின் செல்வன் திரைப்படத்தை முன்பே எடுக்க நினைத்தபொழுது அதில் சரத்குமாரை தான் வந்திய தேவனாக நடிக்க வைக்க இருந்ததாக ஒரு பேச்சும் இருந்தது. இந்த நிலையில் பல முக்கிய நடிகைகளுடன் சேர்ந்து நடித்திருக்கிறார் சரத்குமார்.
அதில் முக்கியமானவர் நயன்தாரா. நயன்தாராவுக்கு தமிழில் முதல் திரைப்படமான ஐயா திரைப்படத்தில் அவருக்கு ஜோடியாக சரத்குமார் தான் நடித்தார். அந்த அனுபவம் குறித்து சரத்குமார் ஒரு பேட்டியில் கூறியிருக்கிறார்.
அதில் அவர் கூறும் பொழுது படக்கதைப்படி நயன்தாரா பாவாடை தாவணி அணிந்த ஒரு கிராமத்து பெண் என்பதாகத்தான் ஹரி கதையை எழுதி இருந்தார். ஆனால் படப்பிடிப்பிற்கு வரும் பொழுது மாடர்ன் உடை அணிந்து வந்திருந்தார் நயன்தாரா.
அதனைப் பார்த்த ஹரி இவரை எப்படி கற்பனை செய்து நான் வைத்திருக்கிறேன் இப்படி மாடர்ன் உடையில் வருகிறாரே என்று கூறியிருக்கிறார். மேலும் சீக்கிரமாக சென்று அவரை உடையை மாற்றி வர சொல்லுங்கள் என்று சத்தம் போட்டு இருக்கிறார். அப்பொழுது அவரை தடுத்த சரத்குமார் இருங்க சார் ஹீரோயினை இப்படி பார்க்கிறது தான் கஷ்டம் ஒரு முறை பார்த்துக் கொள்கிறேன் என்று கூறியிருக்கிறார் இந்த நிகழ்வை சரத்குமார் ஒரு பேட்டியில் பகிர்ந்தும் இருக்கிறார்.
Source: Link
