தமிழ் சினிமாவில் சில நடிகர்கள் மட்டும் தொடர்ந்து வித்தியாசமான கதைக்களங்களை தேர்ந்தெடுத்து நடித்து வருகின்றனர். அப்படியாக நடித்து வரும் நடிகர்களில் விஜய் ஆண்டனி முக்கியமானவர்.
ஆரம்பத்தில் இசை அமைப்பாளராக நிறைய வெற்றி பாடல்களை கொடுத்துள்ளார் விஜய் ஆண்டனி. அதற்கு பிறகு நடிப்பின் மீது ஆர்வம் வந்ததால் வித்தியாசமான கதைகளங்களை தேர்ந்தெடுத்து நடிக்க துவங்கினார்.
அப்படியாக அவர் நடித்த படங்களும் நல்ல வரவேற்பை பெற்றது. சமூக வலைத்தளங்களின் வளர்ச்சிக்கு பிறகு ஆன்லைன் மீடியாக்களில் அதிகமாக தோன்றி வருகிறார் விஜய் ஆண்டனி. முன்பெல்லாம் பேட்டிகளுக்கு வந்தால் விஜய் ஆண்டனி பெரிதாக பேசவே மாட்டார்.
ஆனால் இப்போதெல்லாம் பேட்டிகளுக்கு வந்தால் ட்ரெண்டாகும் அளவிற்கு ஜாலியாக அவர் பேசிவிடுவதுண்டு. அப்படியாக சமீபத்தில் சசிக்குமார் நடித்த டூரிஸ்ட் ஃபேமிலி என்கிற திரைப்படத்தின் பத்திரிக்கையாளர் சந்திப்பில் கலந்துக்கொண்டு பேசியிருந்தார் நடிகர் விஜய் ஆண்டனி.
அதில் அவர் கூறும்போது இப்போதெல்லாம் நல்ல விஷயங்களை பேசினால் கூட க்ரிஞ்ச் என கூறிவிடுகின்றனர். ஆனால் சசிக்குமார் சார் முன்னாடி நடித்த அயோத்தி திரைப்படத்திலும் சரி. இப்போது நடிக்கும் டூரிஸ்ட் ஃபேமிலி திரைப்படத்திலும் சரி நல்ல நல்ல விஷயங்களாக பேசி வருகிறார்.
அடுத்து அவர் நடிக்க இருக்கும் படங்கள் பற்றியும் எனக்கு தெரியும். அதிலும் கூட அவர் நல்ல கதைகளைதான் வைத்துள்ளார் என கூறியுள்ளார் விஜய் ஆண்டனி. க்ரிஞ்ச் என்கிற வார்த்தையே 2கே கிட்ஸ்கள்தான் இங்கு அதிகமாக பயன்படுத்துகின்றனர். எனவே அவர்களை தாக்கும் விதமாகவே விஜய் ஆண்டனி இந்த விஷயத்தை பேசியுள்ளார் என கூறப்படுகிறது.
