ரீ ரிலீஸில் கில்லி செய்த சாதனை!.. இயக்குனருக்கு கைமாறு செய்த விஜய்!.

தற்சமயம் மறு வெளியீடாகி திரையில் பெரும் வரவேற்பை பெற்று வரும் திரைப்படமாக கில்லி திரைப்படம் இருக்கிறது. யாருமே எதிர்பார்க்காத வகையில் பெரும் வசூலை குவித்து வருகிறது கில்லி திரைப்படம். பெரும்பாலும் இப்போது எடுக்கப்படும் திரைப்படங்கள் எல்லாம் அதிக இரத்த காட்சிகளை கொண்டிருப்பதால் குடும்பத்துடன் வந்து பார்க்க முடியாத சூழல் ஏற்பட்டுள்ளது.

இதனால்தான் காட்சில்லா மாதிரியான திரைப்படங்கள் கூட இன்னமும் பல திரையரங்குகளில் ஓடி வருகிறது. இந்த நிலையில் அதே போல தற்சமயம் குடும்பத்துடன் ரசித்து பார்க்கும் திரைப்படமாக கில்லி திரைப்படம் உள்ளது. இப்போது விஜய் நடிக்கும் திரைப்படங்களை லோகேஷ் கனகராஜ் மாதிரியான இயக்குனர்கள் இயக்கினாலும் அதை ஒருமுறைக்கு மேல் பார்க்க முடியவில்லை.

ஆனால் கில்லி மாதிரியான படங்களை எத்தனை முறை வேண்டுமானாலும் பார்க்கலாம் என்கின்றனர் ரசிகர்கள், கில்லி படத்தின் வரவேற்பை தொடர்ந்து கில்லி படக்குழுவை சந்திப்பதற்கு ஏற்பாடு செய்திருந்தார் நடிகர் விஜய்.

தற்சமயம் இந்த சந்திப்பில் கில்லி படத்தின் இயக்குனரான தரணியும் விஜய்யை சந்திக்க வந்திருந்தார். அவரை பார்த்ததும் அழைத்து அமர வைத்த விஜய் அவருக்கு பொன்னாடை போர்த்திவிட்டு மரியாதை செலுத்தியுள்ளார்.

மேலும் விஜய்யிடம் சினிமாவை விட்டு போக வேண்டாம் வருடத்திற்கு ஒரு படமாவது நடிக்கவும் என கேட்டுக்கொண்டார் இயக்குனர் தரணி.